ردت الممثلة اللبنانية نادين نسيب نجيم على فيديو متداول لها على السوشيال ميديا، ظهرت فيه وهي برفقة خطيبها، واعادت نشر الفيديو بنفسها على حسابها الشخصي في انستغرام وارفقته برسالة عنيفة للمسيئين لها كاتبة مطولاً: “يلي عم حاول يستهبل و يصور على اساس عم يزعجني بدي قول شغلة لكل حدا عم ينشر الفيديو : هيدا خطيبي و انا حرة بحياتي و ما حدا خصه و من هلىء بقلكم لعبوا غيرها و جربوا حظكم مرة اخرى .
وتابعت :” يا عيب الشوم عليكم ما بتحترموا خصوصية الناس هدفكم بس النشر و جلب اللايكات و التعليقات على حساب الناس. كلكن هدفكم عدد اللايكات على حساب حياة الناس و كرامات الناس ! صرنا بزمن ما حدا بيحترم حياة الناس الخاصة و حتى لو كنت مشهورة متل ما بتقولوا بس هل الشي ما بيعني انكم تستغلوني لنية بشعة و بعدكم مفكرين انه بهل الطريقة بخسر ولادي ! و بتتمنولي اخسرن تفه على تربيتكم وما حدا بهل الدني بفرقني عن ولادي لانه بالقانون و برا القانون انا امرأة مطلقة حرة و بحقلي عيش و حب و اتزوج. خلصنا بقا منكم! عيب عليكم !”.