اشادات كثيرة تلقتها الممثلة درة عن مسلسله “المتهمة” الذي عرض على منصة شاهد مع عرض الحلقة الأخيرة، وتألقت فيه بدورها وادائها التمثيلي والمختلف عن شخصيتها تمامًا كما تصدّر التراند في مصر بالمركز الأول بعد تحقيقه نسبة مشاهدات عالية وهو من انتاج شركة سيدرز بروداكشن لصاحبها المنتج الكبير صادق الصباح.
وجاءت التعليقات ايجابية ومبهرة للغاية حيث علّقت رانيا كمال الناقدة الفنية المتخصصة دراسات عليا بمعهد الفنون وقالت :
“اللي متفرجش على مسلسل #المتهمة فايته إثارة وتشويق كتير
– النجمة #دُرة في أفضل أداء تمثيلي لها
لفت نظري التفاصيل الصغيرة في بعض المشاهد من وقت وجودها في المستشفى و لحظات هروبها وخطفها في الحلقات الاولى “اختارت انها تطلع بالصورة المقعنة للدور بمعنى مفيش تمسك منها انها لازم تكون بميكب مُلفت
او شعر مترتب بالعكس كانت كما يجب ان تكون للدور .
– تحياتي #للمؤلف .. القصة جميلة والسيناريو والحوار سلس مفيش فيه ملل بالعكس كان كله تشويق .
– النجم #دياب استاذ في الاداء التمثيلي واتقان الدور
( الدور بيلبسه مش هو اللي بيلبس الدور ) .
– #علي_الطيب كان ممتاز في اداءه اكتر من اي عمل فات .
– #رشدي_الشامي الراجل ده يطلق عليه السهل الممتنع
بمعنى متعرفش تشوف عليه هفوة من كتر ما هو سلس
ويأدي أصعب المشاهد بكل بساطة وسهولة .
– الفنان اللي أدى دور #رشيد ده عبقري .. وأنت كمشاهد هتشرب منه الدور ومش هتنتبه للحظة ان الراجل ده بيمثل هتبقى طول المسلسل مقتنع ان هي دي شخصيته الحقيقة .
جميع الفنانين كانوا على مستوى عالي من النصج الفني والاداء التمثيلي الممتاز .
بالتوفيق دائمًا للجميع ”
تعليق الروائي محمد الصفتي
كما علق الروائي محمد الصفتي من خلال حسابه الرسمي على موقع التواصل الاجتماعي “فيس بوك”. وقال: “مسلسل المتهمة كان رحلة ناعمة وممتعة بالرغم من إنك بتتفرج على قصة هروب ومعاناة خشنة وقاسية، يمكن علشان نعومة أداء درة اللي بيميزها واللي أحيانًا بيتم انتقاده بسذاجة لصالح الأداء الهستيري الصارخ، لكن درة نضجت وبقت تقدر توصل للشخصية بهدوء ونعومة، دون حرق عجبني مثلا تمثيلها اللي حكى قصة مهمة بنظرة واحدة لسارة في الحلقة الأخيرة، مسلسل ناجح جدا لدرة اللي بقت نجمة اسمها علامة جودة على المسلسل”
وتابع،: “علي الطيب كان الضلع التاني المهم في نجاح المسلسل بأدائه المتناغم مع درة واللي خلاني متشوق اشوفهم في أعمال تانية مع بعض، علي الطيب برضه ممثل نظراته بتتكلم وتعبر دون كلام، نجح جدا في الإقناع رغم صعوبة فكرة إنه بيوقف حياته كلها لمساعدة واحدة ما يعرفهاش هربانة من جريمة قتل.. بداية حقيقية لعلي الطيب”.
وأضاف: “ضلع تالت للنجاح كان دياب، أنا شخصيا كنت ناسي تماما بل وفي حالة إنكار ان اللي بيمثل دور الظابط بحرفنة قدامي ده هو نفسه اللي بيغني يا حبيبي اللي يخاف من العفريت يطلع له! نجم جديد بيرسخ اسمه في التمثيل كل دور أكتر وبرضه من غير صريخ وهستيريا.
رشدي الشامي بيثبت ثقله كممثل في دور ثري فاسد بعد دور ناجح مناقض تماما واقصد دور رضا الأخ الفلاح غير المتعلم للدكتور رفعت إسماعيل في ما وراء الطبيعة واللي أداه بعظم، مها نصار هايلة وبصراحة لما بافكر في حد تاني يعمل دور سارة برضه بتظهر قدامي مها نصار، أعتقد إنه ا هتبقى نجمة مهمة الفترة الجاية ان شاء الله.
محمد عبد العظيم أداء عظمة بيعلي على دور عم سامح وبيحجز مكان بين ال villains المقنعين، إيه الشر الصافي ده يا عم”
وأردف: “الأستاذ أسامة عباس باختصار أستاذ، مارك حجار في دور رشيد ممتاز وأعتقد كلنا حبيناه.. محمود غريب ممثل مخضرم أدى دور شريك عبود بإتقان وباقي الكاست بصراحة ممتازين أولهم طبعا الفنان أسامة أبو العطا والقديرة ماجدة منير وعماد الطيب وكريم العمري واحمد فوزي وغيرهم، أعتقد ان العمل الحلو اللي اتكتب بمزاج وإتقان واشتغل عليه مخرج شاطر هو هو المؤلف بيطلع طاقات إبداعية من كل اللي بيعدي في اللوكيشن.. شغل عالي من تامر نادي.. ألف مبروك لدرة وأتمنى بعد فترة الاقي مفاجأة بالمتهمة Season 2 فكروا فيها بجد”.
ردّ الفنانة درّة
لترد عليه درة قائلة: شكرا على تحليلك الشيق الرائع”، ودائمًا ما تحرص درة أن تشارك الآراء حول أعمالها الفنية في جميع حاسباتها وتحرص دائمًا أن تكون قريبة لقلب الجمهور وترد عليهم بشكل مستمر.
كانت درّة قد تحدثت عن مسلسلها الأخير “المتهمة” وقالت درة خلال مداخلة هاتفية مع برنامج “MBCtrending” إن الشخصية أثرت عليها كثيرًا فقالت: “الشخصية أثرت عليا أثناء التصوير وبعده، طول الوقت بفكر فيها أن نورهان في المسلسل عندها فقدان ذاكرة جزئي كنت مرعوبة من فكرة أن الواحد يصحى ناسي كل حاجة وخاصة أنها متهمة في جريمة قتل، وفكرة أن حد هربان كده حاجه كبير فحسيت بيها وتخيلتها وجسدتها”.
ووتحدثت عن سبب أنجذابها للدور فقالت: “شدني للمسلسل نوعية الدور والمهارات التي يتطلبها، كممثلة عاوزة دور أجرب فيه منطقة جديدة في الأداء ويكون حالة جديدة وتغيير يخرجني من جلدي وأعمل حاجات معملتهاش قبل كده، المسلسل اقتنعت بيه على طول هناك مراحل للشخصية وتصاعد للأحداث كمان”.
وتدور قصة المسلسل في إطار من الغموض حول امرأة تجد نفسها متهمة بجريمة قتل لا تذكر عنها أي شيء، تكرس حياتها لمهمة العثور على المجرم الحقيقي وإثبات براءتها، وهو من ﺇﺧﺮاﺝ وتأليف تامر نادي، ومن بطولة عادل كرم ودرة وأسامة عباس وعلي الطيب ودياب وعاطف عمار وغيرهم.