كشفت الفنانة المصرية زينة عن سبب ابتعادها خلال الفترة الماضية عن التمثيل قبل أن تعود بمسلسل الليلة واللي فيها الذي عرض على منصة شاهد.
وقالت زينة خلال لقاء لها مع الإعلامي عمرو أديب عبر قناة MBC مصر إنها سعيدة بنجاح المسلسل لأنه شكل طوق نجاة بالنسبة لها من الأزمات التي مرت بها سابقاً، مشيرة إلى أن استمرارها في عالم التمثيل كان متوقفاً على نجاحه.
وتابعت زينة: “أنا سعيدة جدا بالمسلسل، وكنت حاسة إن في سكاكين محطوطة على رقبتي بالعمل ده، يا إما أندبح بيها يا إما ربنا ينقذني من الشر اللي حواليا وينصرني، والحمد لله ربنا مافرحش حد فيا”.
ولففت زينة إلى أن أحد الأشخاص تدخل لمنعها من التمثيل على مدار 5 سنوات ماضية بطريقة غير مباشرة.
وتابعت: “ممكن يمنعوا حد يشتغل بإنهم يتكاثروا عليه، وبطريقة غير مباشرة من غير كلام، في ناس مؤذية”
وواصلت: “أنا قعدت 5 سنين حد قافل على الشغل في مكان معين، وماكنتش فاهمة في إيه، مع إني ست مصرية ومن حقي أشتغل وأنا أولى من أي حد، وبعض الناس قالوا إني عايزة أربي ولادي ومش عايزة أشتغل، طيب أربيهم إزاي؟ أنا مش فاتحة فرن في البيت”.
ولفتت إلى أنها عانت من الشائعات التي لاحقتها حول التأخر عن التصوير وهو ما كان يدفعها للانسحاب من المسلسلات لتجنب المشاكل.
وأضافت: “من أكثر الحاجات اللي بتتقال عني إني بتأخر، وعادي ممكن تتأخر، وده مش بيضيع مني المسلسل لكن أنا من الكلام الكتير بانسحب لأني مش عايزة دوشة، وعايزة أعيش في سلام وأعمل شغلي كويس وأنجح”.