ردت الفنانة عفاف شعيب، على منتقديها لحديثها عن ارتدائها ملابس ألمانى، قائلة: “ناس فاضية، وقاعدين لنا على الواحدة، وأنا بتكلم بصدق شديد ومبعرفش ألف وأدور وأكذب”.
وأضافت خلال مداخلة هاتفية ببرنامج “حضرة المواطن”، مع الإعلامي سيد علي، : “اتسألت بتجيبي هدومك منين، كنت بجيب لبسي كله من برة، اللبس الألماني الحاجة الوحيدة اللي بتيجي مظبوطة علي وبشكل محترم، ومش بلاقي البدل اللي عاوزاها إلا الألماني”، مردفة: “اشتريت حاجات مصري للأسف يومين وتلاقي الكتف اتقطع وسوستة البنطلون اتقطعت”.
وتابعت: “اللبس اللي عندنا في مصر للأسف الشديد، كان في فترة لبس هائل، ونزلت مول العرب أشتري لبس صيفي لقيناه كله شتوة من السنة اللي فاتت، هو في ايه؟”.
وأردفت: “لما كنت في أمريكا ورحت أشتري هدايا كل الصناعة بلاقيها، صنع في مصر، طب ليه مبيهتموش با الصناعة دي في مصر، شيء شيك وراقي، ليه لما بنعلم الحاجة هنا مبنهتمش بيها