باسم سمرة: السقا حذف دوري من “إبراهيم الأبيض” ومنع ظهوري في “الجزيرة 2” … أنا أشطر منه بكتير وكنت هقعدهم في البيت


قال الفنان باسم سمرة إن الفنان أحمد السقا كان وراء استبعاده من فيلم “الجزيرة 2” وتسبب في تهميش دوره بفيلم “إبراهيم الأبيض”.

وأوضح باسم سمرة في حواره مع الإعلامي عمرو الليثي ببرنامج “واحد من الناس” عبر قناة الحياة، أن شخصيته في فيلم “الجزيرة” تعرضت للقتل حتى لا يظهر في الجزء الثاني.

وأضاف: “الجزيرة كان هيبقى في جزء تاني، وأنا لو موجود كان كلهم هيقعدوا في البيت، أشطر واحد أنا”.

وردا على سؤال “أشطر من السقا؟” قال: “بكتير طبعا، هو في حتة وأنا في حتة”، مؤكدا أن ما حدث كان متعمدا.

وأكد باسم سمرة أن الأمر تكرر في فيلم “إبراهيم الأبيض”، موضحا: ” شالوا دوري تقريبا، عشان وجودي كان هيعمل قلق، أنا عملت دور أكتر من رائع، وبنط من الدور السابع وكان في مخاطرة كبيرة”.

باسم سمرة : في الجزء الثاني من "الجزيرة" لو أنا موجود كلهم هيقعدوا في البيت.. وأنا أشطر من أحمد السقا بكتير

باسم سمرة : في الجزء الثاني من "الجزيرة" لو أنا موجود كلهم هيقعدوا في البيت.. وأنا أشطر من أحمد السقا بكتير #واحد_من_الناس#قناة_الحياة

Posted by Alhayah TV on Monday, September 12, 2022

وتابع: “رحت الافتتاح لقيت الدور كله اتقص، وكان في أحمد رزق مشي من الفيلم أصلا، مظهرش ولا لقطة، وأنا رأيي أحمد السقا اللي عمل كده”.

وطلب عمرو الليثي من باسم سمرة توجيه رسالة إلى أحمد السقا، ليرد ساخرا: “تحياتي إزيك يا حبيبي، هزعل ليه هو الخسران”، مشيرا إلى أنه سأله عن سبب حذف مشاهده من الفيلم ليرد: “أنا مش مسئول عن أي حاجة، هو أنا المنتج؟ أنا المخرج؟”.

وأشار باسم سمرة إلى أنه طرح السؤال نفسه على مروان حامد مخرج فيلم “إبراهيم الأبيض”، ليبرر له الأمر بصعوبة في تنفيذ الخدع البصرية في المشهد بعد تصويره، وأوضح: “كان مشهد معقد جدا، بتخانق أنا والسقا وبعدين بقع من الدور السابع، وبمسك ونقعد نقول حوار بعدين أقع، فقال لي الجرافيك مظبطش، اسمه مروان حامد، ابن وحيد حامد الأستاذ الكبير، وعمل لي عمارة يعقوبيان كان رائع”.


Beirutcom.net