علّق الموسيقار الكبير حلمي بكر، على التصريحات التي أدلى بها الفنان محمد منير بأن أغنية “الحلم العربي” تجارية وليس لها علاقة بالأغاني الوطنية.
وخلال حواره مع الإعلامية رقية اليزيدي في برنامج “العنيدة” المذاع عبر فضائية “الشمس”، قال بكر: “يا فرحتي على اللي بتقولوه، انتوا ابتعدوا عن المزيكا، العالم اتحرك للحلم العربي”.
وأضاف الموسيقار أنه لا يريد الخوض في شيء لأن محمد منير له مكانته وحجمه ونجاحه، متابعًا: “لو قال كده يبقى ربنا يشفيه ومعنديش غير كده، يطلع يقول الكلام ده وأنا هرد عليه، وبما إني ما سمعتش كده منه مش هرد”.
وأوضح أنه عندما ينتقد أحد ينتقده بعلم، مضيفاً: “يطلع منير يقول الكلام ده وأنا هرد عليه”.
وتابع حلمي بكر: “بلاش لعب عيال، متسويش كل الرؤوس ببعضها، كل دول أنا امتحنتهم في النقابة، ولما ييجي تلميذ يغلط في أستاذ تبقى الحالة زي دلوقتي، التلميذ يطلع مطواه ويضرب أستاذه، لما المطرب يبقى قوي يغني ولما يكون خيبان يتكلم وافهموا بقى”.