حل الموسيقار المصري حلمي بكر ضيفا على برنامج “العنيدة” المذاع على قناة الشمس , وشن هجوما على الفنان حميد الشاعري ونجله نديم وذلك بعد تصريحات الأخير عبر حسابه بموقع التواصل الاجتماعي “فيسبوك”.
ورفض حلمي بكر السماح للمذيعة بقراءة منشور نديم الشاعري الذي هاجمه فيه بسبب أزمته مع والده .
وقال حلمي بكر :”مش هسمحلك تكملي , ابن مين ده اللي انتي بتذكريه انا اللي ممتحنه في النقابة”.
وأضاف حلمي بكر ساخرا: “أنا جيت محتاج عندكوا النهاردة هتدوني كام عشان محتاج , بنردد كلام السفهاء , حميد الشاعري خد عضوية النقابة منتسب لاسمه لكن مش دارس في المعهد”.
وتابع حلمي بكري نافيا هجومه على حميد الشاعري:” الأسابيع اللي فاتت تدخل ناس وقالولي عايز يجي يزورك اهلا وسهلا”.
وكان قد هاجم نديم الشاعري نجل الفنان حميد الشاعري، الملحن حلمي بكر؛ بسبب هجوم الأخير على والده في البرامج .
وكتب نجل حميد الشاعري عبر حسابه على موقع التواصل الاجتماعي فيس بوك،: أستاذ حلمي لو محتاج مساعدة ماديا أو نفسيا الكابو مش حيتاخر عليك لكن ما ينفعش كل ما تتزنق تروح برنامج تجيب سيرة حميد الشاعري.. اللي للأسف تاريخك ميجيش تمن تاريخه ولا فنيا ولا أخلاقيا للأسف 30 سنة من عمري ما بيعملش حاجة في حياته غير التقليل من الناس، ومن الفنانين ومن أعمالهم.
وأضاف: أوعى حضرتك تفتكر إنك محطوط في خانة الإنسان المحنك، لا للأسف أنت عبرة لكل نفسية فاسدة متناهية الصلاحية فنيا وأخلاقيا، فرق التربية كبير أوي بينك وبين الكابو حتى في الفكر الموسيقي والمعاملة مع الناس، والكابو كبير مقامه ومش بيرد عليك عشان هو أكبر من كده وأكبر منك بالذات ودايما بيقولي ما تردش على حد، لكن ولاده كبرو ومش حيسمحو إنك تقطع في أبوهم.
وتابع نجل حميد الشاعري: هو حضرتك بجد فاكر إن حميد هو اللي بوظ المزيكا في مصر؟!؟!؟، المقسوم اللي حضرتك بتتكلم عليه هو الواكل بقاله 30 سنة مع كل الفنانين وهو سر الاستمرارية والنجاح، مفيش ألبوم بينزل غير ومقسوم الكابو رانن في الودن، لما مذيع صابغ شعره أبيض وفي اللفة يسألك سؤال زي ده، والمفروض ردك يبقى تربوي قبل الفني أنه إزاي يسأل السؤال بالطريقة دي لكن حضرتك كنت هتطير من الفرحة عشان السؤال في تقليل للكابو.
واختتم نجل حميد الشاعري حديثه، قائلا: حاول يا أستاذ حلمي تكسب الناس عشان الدنيا فانية، متبقاش خسران السيرة الطيبة وكمان الناس.