ردت الإعلامية ياسمين عز، على تصريحات الفنان محمد عطية بشأن تأييد فكرة المساكنة والزواج دون عقد رسميًا، الأمر الذي أثار جدلًا واسعًا مؤخرًا على السوشيال ميديا.
وقالت ياسمين عز خلال برنامجها كلام الناس، الذي يذاع عبر أحد القنوات الفضائية: الأيام دي الواحد بيسمع تصريحات مش بيبقى عارف يعلق عليها.. عايزين توصلوا الناس لإيه؟ يعني إيه نعيش مع بعض من غير جواز، وبعدين نشوف إحنا مناسبين ولا لا، فين الدين اللي بيقول كدة؟ إزاي شخصية المفروض قدوة تقول كلام خطير زي ده.
وأضافت ياسيمن عز: ملناش دعوة بكريستيانو وجورجينا واللي بتحضر فرحها حامل، إحنا لا عادتنا ولا ديننا بيقول كده، مفيش حاجة اسمها مساكنة، السكن زوج وزوجة في بيت واحد بعقد شرعي.. المساكنة دي تقلل منك لازم يكون في مجهود الراجل يعمله عشان يتجوزك فتبقي غالية عنده إنه يسيبك.
وكان أثار محمد عطية جدلًا واسعًا خلال الساعات الماضية بعد تصريحاته الأخيرة حول تأييد فكرة المساكنة، حيث أوضح في تصريحات تلفزيونية مؤخرًا: لو أنا بحب إنسانة ليه ندخل المجتمع والقوانين بينا؟ الأنسب نتجوز من غير عقد زي المساكنة، لأن المعظم بيتجوز عمياني مع أن الجنس جزء مهم في العلاقة، وأغلب حالات الطلاق بتحصل بسبب عدم توافق الحياة الجنسية، فالأفضل نعيش مساكنة ونشوف ينفع نعيش مع بعض ولا لأ.