كشف السيناريست هاني سرحان عن مسلسله القادم في رمضان، خلال استضافته بالبرنامج الإذاعي الراديو بيضحك على راديو 90,90 مع الإعلامية فاطمة مصطفى: وقال: “بعمل على مسلسل سوق الكانتو واللي هيتعرض إن شاء الله في رمضان القادم وتدور أحداثه في حقبة زمنية قديمة وأنا سعيد أوي بالشغل على العمل ده وإن شاء الله يعجب الجمهور”.
وأضاف هاني: “سوق الكانتو هو أول تعاون بيني وبين الفنان أمير كرارة بس إحنا اصحاب بقالنا سنين وكنا عايزين نشتغل مع بعض من فترة “.
وبعد سؤاله عن مخرج يرغب فى التعاون معه كشف عن أول تعاون بينه وبين المخرج تامر محسن وقال: “مع الأستاذ تامر محسن فى مشروع كبير بس هياخد وقت طويل في التحضير والتنفيذ بس أنا سعيد جدًا بالعمل معه”، وتحدث هانى عن اختفائه عن ساحة الأعمال السينمائية وصرح “كان في فيلم اسمه اللى ميتسموش كنت شغال عليه وإن شاء الله يتصور السنة الجاية”.
وكشف هاني كواليس كتابته جزئي “الاختيار”: وقال”أنا شفت الجزء الأول من المسلسل وعجبني جدًا وكان نفسي أشتغل على عمل زى الاختيار بس مجاش فى دماغي خالص إني هعمل جزء تاني منه بس بعدها لقيت بيتر ميمى بيكلمني يقولي يلا نكتب الجزء الثانى، وده كان تحدي مرعب بس أنا بحب التحديات ووافقت على طول”.