كشفت الفنانة نجوى فؤاد سبب انفصالها عن الفنان أحمد رمزي خلال لقائها ببرنامج “كلام الناس” عبر قناة Mbc مصر.
وقالت نجوى فؤاد: “انفصلت عن أحمد رمزي بعد أسبوعين زواج علشان رجع لمراته وفضلنا نكون أصدقاء.. وعمي كان عايز يقتلني علشان أهلي متدينين وشايفين الفن عورة، وتراجع عن قتلي بعد ما شاف قسيمة زواجي من الموسيقار أحمد فؤاد حسن”.
وروت تفاصيل هذه الواقعة قائلة: “اليوم ده كان كتب كتابنا أنا وأحمد فؤاد الظهر في مصر القديمة، وكان خاله وواحد صحبه موجودين عشان يشهدوا على الزواج، ولما عمي جه، رد أحمد فؤاد حسن وقاله جيت متأخر دي مراتي، قام واخد بعضه ونازل”.
وأضافت: “رفضت أخلف ودلوقتي ندمانة، وأحمد فؤاد قالي مش هنكمل علشان الخلفة، لأني خوفت على جسمي من الخلفة ومكنش فيه عمليات تجميل زي دلوقتي”.
وتابعت: “في السنوات الأخيرة ندمت أني دخلت الوسط الفني وضحيت بأهلي ودراستي في إسكندرية، وجيت هنا واتجوزت أحمد فؤاد حسن ووقفني على أرض صلبة مع أنه كان أكبر مني بـ 25 سنة”.