حلت الممثلة المصرية غادة عبد الرازق ضيفة مع الإعلامية إيمان بسيوني، في برنامج “نجوم مع إيمان”، وتحدثت عن بداية مشوارها الفني وما هي الاشياء التي تحبها، وأسباب اختفائها من على مواقع التواصل الاجتماعي.
وقالت الفنانة غادة خلال اللقاء: “لما كبرت بقيت بدور على الأمان أكثر، وأنا عمري ما عملت عيد ميلاد لنفسي، وآخر مرة احتفلت بعيد ميلادي كانت من 20 سنة، ومفيش مرة حضرت فيها عيد ميلاد ابنتي روتانا”.
وأضافت: “لحد دلوقتي في الشرق الأوسط كله، عندنا الولد غير البنت، وأنا لا أنكر أنني كنت أتمنى روتانا بنتي يكون ليها ولد أخ”.
وعن أعمالها قالت: “اختياراتي في الأعمال دائمًا حسب السطر “يعني المضمون” وأعتبر مسلسل الكابوس من أحلى المسلسلات اللي اشتغلت فيها”.
ورداً على سؤال هل الجمال له علاقة بالعمل في الفن قالت: “لو الفن بالجمال، إحنا في أحلى مننا مليون مرة، ولو الشغل في الفن بالحلاوة كان زمانا قاعدين في البيوت”.
وتابعت: “أحب أن أجسد أدوار المرأة القوية، ولما علمت أدوار فيها المرأة المقهورة والمظلومة الناس كانت بتقولي ليه؟.. الناس حابه إني آخد حقهم، وأديهم قوة، لما بأطلع زيي زيها ضعيفة أبقى كده مبوصلش حاجة”.
وعن بداياتها قالت: “كونت نفسي وأنا عندي 20 سنة، وأول حاجة عملتها في المجال غنيت وكانت نجمتي المفضلة سيمون، وأهلي كانوا ضد فكرة عملي بالوسط الفني، لأني كنت بطلع في بداياتي كومبارس وأهلي كانوا بيقولو لي يا كومبارس، وقولت لهم هتشوف الكومبارس دي هتبقى إيه في يوم من الأيام”.
وعن تعاملها مع تعليقات المتابعين السلبية قالت: “التعليقات السلبية لا تهمني، في البداية كنت أنزعج منها لكن حاليًا لا، واختفيت من على السوشيال ميديا لما حسيت إني مش هقدر أظهر بطبيعتي، فحذفت كل حاجة لي على مواقع التواصل الاجتماعي ورجعت تاني بحسابات جديدة”.
واختتمت تصريحاتها عن زوجها هيثم زنيتا قائلة: “زوجي هيثم هو مرايتي ولما بشتغل معاه في عمل فني برتاح وبحس بالأمان”.