انتقدت الفنانة المصرية رانيا يوسف طريقة الزواج داخل المجتمعات العربية، قائلة إن “الجواز بالنسبة ليا مالوش لازمة، لأن مفهوم الزواج عند الناس مش صح، خاصةً في المجتمعات العربية”.
وأضافت “رانيا” خلال استضافتها في برنامج على فضائية etc المصرية: “لا أفكر في الزواج للمرة الرابعة خاصة أن الزواج (مالوش لازمة بالنسبة ليا حاليا، الناس في المجتمعات العربية بيتجوزوا عشان الخلفة أو عشان معندهمش حرية يدخلوا في علاقات مفتوحة، وده أمر طبيعي في المجتمعات العربية”.
وأوضحت وجهة نظرها قائلة: “مفاهيم الجواز عندنا بتقوم على مفاهيم مش صح زي المصالح الشخصية أو بهدف إن عائلات تناسب عائلات تانية، لكن للأسف مفهوم الجواز القائم على أنه علاقة بين اثنين بينهم رحمة ومودة وسعادة لكن بصراحة أنا بشوف إن معظم الناس بتفكر إنها تتجوز عشان عايز حاجة أو عايز يحقق مكاسب على حساب شهرتي”
وأكدت رانيا عدم وجود ما يسمى “رجل الأحلام” أو “فتاة الأحلام”، مشيرة إلى أن الحلم يظل حلما، موضحة أن نظرة الراجل للمرأة تختلف بعد الزواج بفترة قصيرة، لأنه في البداية لم يرها سوى من الخارج فقط”.
وأوضحت أنها بذلت مجهودا كبيرا وركزت في عملها وتفرغت للفن حتى وصلت إلى الشهرة التي تتمتع بها حاليا.
وأضافت رانيا يوسف: “أحيانا برجع بيتي 4 أو 5 الفجر بعد شغل كتير، وأحيانا بشتغل 3 أيام بدون الرجوع للبيت، وعشان كده كنت بدور على واحد يحترم مواعيدي وطبيعة عملي وعقلي وطموحي”.