قالت الفنانة دينا أنها تحب لقب اطلق عليها في لبنان “الراقصة حافية القدمين” لأنني أحب الرقص بدون أحذية وأن تكون رجلى قريبة من الأرض والطبيعة .
وأضافت خلال لقائها مع الإعلامى عمرو الليثى، ببرنامج “واحد من الناس” الذي يذاع على قناة الحياة أن الجاذبية مصدرها العقل اكثر، و لما حد بيهاجمنى بقلة أدب برد عليه لكن لو نقد بناء اسمعه، واتعمل عليا كتاب في فرنسا والمانيا وأمريكا عن الرقص الشرقى وأحسست بطعم النجاح، ولما رقصت في أوبرا شينغهاي ده نجاح بالرغم اني محدش في مصر يعرف .
وتابعت انا خريجة اداب قسم فلسفة ومعايا ماجيستير في فلسفة المسرح اليوناني .
وأشارت دينا أنها من عشاق أحمد ذكى وكنت هعمل معاه فيلم مستر كارتيه، والمخرج محمد خان اختار ممثله وجابها مكانى واتجوزها في نصف الفيلم، و زعلت جدا .
وتابعت دينا أن والدها مهندس لاسلكى، وأمي كانت تشتغل في سفارة الهند في روما، وانفصلوا وأنا عندى ٥ سنوات .
وأشارت دينا أنها حاولت الانتحار وهي في ثانوية، وكنت ضعيفة الإيمان أوعندي قصر نظر في أمور معينة ، ومن أصعب المواقف في حياتي أنني كنت معتقده أن أمي ماتت، وهي على قيد الحياة، بسبب أن جدى كان بالنسبة لي التي تطلق تعتبر ميتة لانه صعيدي، وحتي الإعدادية لم اكن أعرف غير أنها ميتة وكنت بتخانق مع بابا وقالى انتي بتكلمي شبه امك، فقولت ليه انها ماتت قالى لا ليه عايشه، واللى ربانى وأنا عندى خمس سنوات زوجة أبى وكنت بحبها جدا، وأمي وقتها كانت عايشه في وسط البلد واحنا ساكنين في العجوزة، وأختى هي اللى دورت عليها لحد ما وصلنا ليها، ومكنتش اترك بابا وقتها لأني بحبه جدا وأمي كان عايشه خارج مصر وأنا لا اقدر أعيش خارج مصر .