أذاعت الإعلامية اللبنانية نضال الأحمدية، الجزء الثاني من حوارها مع الفنانة المصرية شيرين عبد الوهاب، التي قالت خلاله عدة تصريحات مهمة ومفاجئة وأبرزها :
انا الوحيدة التي غيرت الوسط الفني
لما اقدر اطلع للجمهور بشكلي ده اعرفي إني خلاص خفيت
كنت بحب سرطان
حسام ابن أمه الحيلة الدلوعة
اضحكوا عليا وقولولي ان القعدة على الكنبة 4 سنين كانت قعدة حلوة ” اه اضحكوا عليا”.
انا جرّبت الانتحار من شدة التعنيف النفسي
انا عملت كل حاجة تخليني اموت ولكن الله لا يريدني ان اعود اليه الان.
أنا ذليت الجمهور ولو كنت معبودة الجماهير مايحقليش أعمل كده.. الجمهور صبر عليها كثيراً.
انا ألوم شريهان لانها تحرم الناس منها..
عندي خطة لتحقيق احلامي المكبوتة من افلام وفوازير وكل حاجة ولكن لم تُفصح عن تواريخ.
انا بحلم على قدي
انا ست الستات ولازم يكون دمها لست الستات رايق حتى تعطي كل حاجة حلوة للناس.
نفسي ادي للناس البردانة في الشتا حاجة تدفيهم واودي اللبن للطفل اللي مش قادر يصل له الطعام وان اقدر تأمين زواج للفتيات، لو كان معاية اقسم بالله كنت عملت كدة،
واردفت ممازحة ” بس انا شحاتة ومحتاجة معونة “
سعد الحريري سأل عليا في يوم انا كنت ضعيفة وانا ماليش فيه اذا كان فاسد، اتصل فيا ساعة موضوع الاعتزال، واطمأن علياً.
كنت عايزة أجمد بويضاتي لوحدهم بس حسام أصر أنه يشيل البويضات بالأجنة بتوعه!
انا مش عايزة اخلّف من حسام حبيب .
حسام حد مستهتر مش عارف يعني اية ست عايزة تدفن نفسها جنبه
انا تعبت قوي بالعلاقة دي عشان انا اصريت على حاجة مستحيلة
الست بتبقى افهم من الراجل بعشرين سنة بالفكر وهما بيكونوا نفس العمر
كنت في علاقتي مع حسام ماما وانا زهقت من دور ماما عايزة أبقى سندريلا
ولا مرة حشت كحبيبة ولا مرة شفت رجال اداني اد ما اديت له. بس انا بحب سرطان .. يعني بحب وجع.. حب حسام ليا بقى وجع.. ارتباطي بأي راجل بقى معناه الضعف والخوف.
الست عندنا في مصر متعودة على حاجات غير خالص رفاهية الست اللبنانية.
رضينا بالهم والهم مش راضي بينا
صعب أوي اللي أنا فيه مش قادرة اتحمل
هعمل ٣ أفلام في السنة
عندي مشروع فانتازيا لرمضان
وأحيت الفنانة شيرين عبد الوهاب حفلا في مدينة أبو ظبي ضمن فعاليات مهرجان «أم الإمارات، وصدمت الجمهور بأول ظهور لها، وكان لها عدد من اللقطات.
وفاجأت شيرين عبد الوهاب جمهورها حيث قامت بحلق شعر رأسها بالكامل، وعلقت خلال حفلها بـ أبو ظبي، للجمهور :”تقبلوني بشكلي ده؟، وأنتوا عارفين أنا كده فقت”.
ثم عادت وداعبت الفنانة أصالة وقالت على المسرح”: أنا بتحدى أصالة المرادي لن تستطيع أن تفعل هذا” وأشارت على شعرها.
وبدأت حفلها بـ أغنية “نساي”، وبعدها قدمت مجموعة من أشهر أغانيها التي يحبها الجمهور منها “جرح تاني” وغيرها، بالإضافة إلى أحدث أغانيها “القماص”، ثم قالت وسط تفاعل كبير من الجمهور” أنا بقيت سينجل”، واثناء الحفل حملها المايسترو ورفعهالتجلس على البيانو خلال غنائها أحد أغانيها.