طرح المطرب رامي صبري أحدث أغنياته التي تحمل اسم “هموت من غيرها”، على “يوتيوب”، والأغنية من كلمات أحمد المالكي، وألحان شريف بدر، وتوزيع ومكس وماستر أسامة الهندي.
وتقول كلماتها
أوقات الحاجة اللي في ايدنا.. اللي احنا عليها اتعودنا بنقول إنها مضمونة وباقية ومش هتروح
وانا دايما كنت بعيد عنها قال إية فاكر نفسي ضامنها
مش عارف إني سايبها كتير قلبها مجروح
وانا بغلط كانت بتحذرني تقولي بلاش
هيجيلك يوم فعلا تخسرني مبسمعهاش
ونسيتها وعمري ماكنت بحافظ على مشاعرها والقلب القاسي أهو خسرها
وهموت من غيرها… هموت من غيرها.
أنا عايش تاية في الدنيا
عمرها ماسبتني ولو ثانية
وحشاني بجد ونفسي أشوفها وخايف أقول
ودي مش عايزاني في دنيتها من كتر القسوة اللي شافتها
أهي راحت مني وبعدت عني وانا المسئول
وانا بغلط كانت بتحذرني تقولي بلاش
هيجيلك يوم فعلا تخسرني مبسمعهاش
ونسيتها وعمري ماكنت بحافظ على مشاعرها والقلب القاسي أهو خسرها
وهموت من غيرها… هموت من غيرها
وطرح النجم رامي صبري مؤخرا أغنية “حالة اكتئاب” التى تجمعه بشقيقه الفنان الراحل كريم صبري؟