حالة كبيرة من الجدل أثيرت حول الفنانة بدرية طلبة ، بعدما خرج شقيقها «وليد» ينفي خبر وفاته الذي أعلنته عبر حسابها الرسمي بموقع التواصل الاجتماعي فيسبوك، إذ نشرت «بدرية» صورتها مع ابنة شقيقها سالف الذكر، وأعلنت عقد قرانها بدون حضوره.
وكشف شقيق بدرية طلبة أنه على قيد الحياة، وأنهم عقدوا قران ابنته دون حضوره، فقاموا بعقد القران في غيابه، مستنكرًا ذلك وكتب كلمات يهاجم فيها شقيقته.
وجاء نص منشور شقيق بدرية طلبة كما يلي: «يا جماعة الفنانة بدريه اللي كانت المفروض اختي منزلة نعي عني اني اتوفيت والمفروض اللي ف النص دي كانت بنتي .. وعشان رفضت اروح كتب كتابها النهاردة طلعو عليا إشاعة الموت بجد حسبي الله ونعم الوكيل فيكم».
وأضاف شقيق بدرية طلبة: «انتو كلكم ميتين بالنسبالي من سنتين لما سبتو البيت ونزلتو الساعة ٢ بالليل .. جاين دلوقتي تحتاجولي ف كتب الكتاب .. انا يا جماعة ماليش عيال وعيال مين اللي يعلقو ع إشاعة ع ابوهم انه مات والله يرحمه وانا ع وش الدنيا عيال مين اللي أروحلهم تاني انا خلاص ماليش ولا عيال ولا أهل وأخوات».
وتابع شقيق بدرية طلبة: «وانتي ي فنانة بدريه ميته بالنسبالي من زمان .. وانشاء الله اللي قولتيه عليا بالكدب هيتقال ع جوزك يوم فرح بنتك بالصدق انشاء الله .. وانتظروا منى احلى مفاجآت ليكم ياللي المفروض كلكم اخواتي ومن بطن واحدة انتظروا مني احلى مفاجآت للكل وانتو اللي بداتو الحرب معايا».
واختتم شقيق بدرية طلبة: «بالله عليكم يا جماعة انا عاوز البوست ده يتشير كتير عشان اثبت كذب الفنانة وانا هطلع لايف كمان شويه بصوتي عشان تتاكدو انى مش بكدب وهطلع معايا مفاجآت هتعجبكم اوي».