كشف مصدر مقرب عن آخر التطورات الصحية للنجمة المصرية ياسمين عبد العزيز بعد اجرائها لعملية جراحية.
وقال المصدر إن حالة ياسمين عبد العزيز الصحية “مستقرة” و “هي الآن في العناية المركزة في مستشفى كبيرة، بعد أن خضعت لعملية جراحية استمرت لساعات”.
وأكد أن “ياسمين عبدالعزيز قبل دخولها غرفة العمليات، شددت على المقربين منها عدم الإفصاح عن أي تفاصيل حول نوع العملية الجراحية في الفترة الحالية، وبناء على رغبتها تكتم أفراد أسرتها وأصدقاؤها، على نوع العملية الجراحية”.
فيما علق الفنان أحمد حلمي الصديق المقرب لياسمين عبد العزيز على العملية قائلاً: “عملية صعبة”.
وكتبت منشور احمد العوضي على فيسبوك :”
يمكن ببان قدامكم دايما قوي .. لكن الحقيقه انا دلوقتي اضعف انسان علي وجه الارض عشان انا روحي مش معايا … انا ضعيف جدا من غيرك انتي لازم تبقي كويسه ولازم تقومي بالسلامه … انا لاول مره اكتب من غير ما اكون مفكر انا بكتب ايه وهكتب ايه … بس انتي هتقومي ان شاء الله باذن الله عشان انتي وعداني وعد وهتتفذيه … انا عاوزك تبقي كويسه وتقومي عشان اقولك اني لو كنت ببينلك اني بحبك مره فالحقيقي واللي جوايا اني بحبك الف مره … وانا دلوقتي مش قوي زي ما انتي بتشوفيني انا دلوقتي ضعيف ضعيف جدا .. لحد ما تقوميلي تاني عشان زي ما انتي بتاخدي قوتك مني انا كمان باخد قوتي منك …. قومي عشان انا بحبك… بحبك اكتر بكتيير من كل الكلام اللي انا كتبته .. اكتر بكتير من كل اللي عدينا بيه مع بعض من ايام حلوه ومواقف صعبه مرت علينا … اكتر بكتير حتي من الموقف اللي احنا فيه دلوقتي .. انا بحبك .. ادعولها تقوم بالسلامه زي ما انتو دايما بتدعولها بالنجاح والتوفيق .. هي دلوقتي محتاجه دعواتكم”.