نجوى كرم تهنئ الجمهور بعيد الاب بأغنية “وكبرنا” مع الكبير الراحل وديع الصافي


هنأت شمس الاغنية اللبنانية الفنانة نجوى كرم الجمهور بمناسبة عيد الاب الذي يصادف اليوم 21 حزيرن من كل عام، حيث اهدتهم اغنية “وكبرنا” التي غنتها مع الكبير الراحل الفنان وديع الصافي في مهرجان بيبلوس الدولي، وقد وجهت رسالة مرفقة بالاغنية كاتبة:”البَيّ مصدر قوّة ما بتتعوّض بحدا هو الحماية والأمان.. ينعاد على كل بَيّ عم يمارس دَوْرو صحّ على هالأرض #عيد_الأب #FathersDay“.

اغنية “وكبرنا” من كلمات عصام زغيب وألحان انطوان الشعك وسُجلت في استوديو جورج الصافي ابن الراحل الكبير وديع الصافي.

وتقول كلمات الاغنية :

ضميري مش مرتاح وقلبي مش مرتاح
حاسس اني ضايع
ومضيّع المفتاح
افكاري قلقانه وعينيّي سهرانه
حاسس انك يا بنتي ما عدتي انتي انتي
حاسس انك تعبانه
حاسس انك زعلانه
عم شوف بعينيكِ غيوم سوده عم تشتي هموم
يمكن انا غلطان يمكن انتي غلطانه
احساسك بمحلو يا بيي
احساسك بجلّو وعن اذنك بدي قِلو
بنتك صارت صبيه
كل ما غيمه سوده قبالي
مرقت شو بتخطر ع بالي
تخطر ع بالي كلماتك
تخطر ع بالي نظراتك
وارجع ع رزنامه عمري
راجع اول صفحه بعمري
صغيره وبتعوظني من كتاب
بيحكي الدنيا نعاج دياب
وما وافق يا بيي بيي
وشو تعيط عليّي
ايه يا بنتي لما صغيره كنتي
خبيتك تحت جناحي خبيتك تترتاحي
وكبيره هلأ صرتي صرتي انتي جناحي
بحلف بعينيكِ من كتر خوفي بوقتها عليكِ
كنت ارسملك صور واخبار
ت عطف قلبي يحاوطك داير مادار
وتبقي عطر زنبق معبى الدار وتكبري بعين الكل
وتبقى صغيره بعينيي
وكبرنا يا بيي
وكبرت فينا الايام مسؤوليه كبرت معانا وكبرت الاحلام
كرمالي يا بيي شاركني المسؤوليه
ايه ايه يا بيي
لا تخافي يا بنتي يا زهره عينيي
وحدك ما بخليكِ بعرف صرتي صبيه
وصار لازم خاويكِ
بحاول ما خبي عليك
ولغيرك ما اشكي بتطلع بعينيك
بحسك عم تفهمني من قبل ما احكي
صعبه وحدي كفي الدرب واخدوا مني فرح الحب
خطفوا مني قلبي وسرقوا مني الضحكه
مش عم صدق شو عم بسمع حاسس قلبي بلش يدمع
اخدوا صوتي لمين بغني خطفوا لون دموعي مني
حرموا عيوني تبكي
ساعدني يا بيي ما تتركني يا بيي
ردّلي ع قلبي الضحكه
راح ترجعلك الضحكه وايام الهنا
وعنك مش راح اتخلى ولا دقيقه انا
ومش راح خلي تطول النطره
والليل قابل ع بكره ع قلبك راح رد الضحكه
راح ردها انا
ماكان عندي شك يا بيي
انو ازا حكينا اخدنا وعطينا
راح افهم عليك
وراح تفهم عليي
ايه يا بيي
ايه يا بنتي