طرحت الفنانة المصرية هايدي موسى كليب أغنية جديدة تحمل اسم “تصدق وتآمن بالله” اليوم الجمعة ، عبر قناة لايف ستايلز ستوديوز بموقع الفيديوهات “يوتيوب”.
أغنية “تصدق وتآمن بالله” من كلمات الشاعر الغنائي إيهاب عبد العظيم، ألحان علاء الراوي، توزيع جيزو، والفيديو كليب من إخراج عادل سرحان.
وتقول كلمات الأغنية:
تصدق وتأمن بالله
انت ملكش عزيز ولا غالي
روح بقي كدة منك لله
ريحني بقي وسيبني ف حالي
دي خسارتك مكسب والله
وكفاية عليا اللي جرالي
كدة ميت فل وعشرة العشرة
كدة جبرت من غير مطرود
اصل اللي مقدرش العشرة
ف حياتي ميبقاش له وجود
يشهد قلبي لا خان ولا ضرك
ومشوفتش منك غير شرك
والعشم ان غشك او غرك
قلبي اعتبره دة مش موجود
مسير الدنيا تلف تدور
ومسيري هشوف فيك انا يوم
غراك الدنيا ومعزور
كسبان بكرة تكون مهزوم
بدعي عليك من قلبي أنا
وإياك من دعوة مظلوم
يذكر أن هايدي موسى شاركت بالتمثيل مؤخرا في مسلسل “طلقتك نفسى” مع عدد من الفنانين من ضمنهم أحمد عصام وهاجر أحمد وأحمد شامي وميدو عادل ونانسي صلاح ومحمد مهران وكارولين عزمي، ومن إخراج محمد النقلي وقصة أحمد عصام وسيناريو وحوار أحمد عصام وأحمد صبحي.