حظك اليوم

توقعات الابراج ليوم السبت 13 فبراير 2021

برج الحمل

مهنياً: يوم اجتماعي وعلاقات كتير وحتى ممكن يكون في عزائم وسهرة بس انت مانك مرتاح وعم تنزعج من بعض تصرفات والكلام وشكلك عم تنفعل لان مانك متحمل حدا وحاول شوي تنتبه على صحتك وع الوضع المالي ولا تفرض رأيك ولا تستعجل وتحسم امورك بيوم ضبابي ومانك مرتاح في وقصة عم تتأجل والي فيك مكفيك ..

تناقش بهدوء وبدبلوماسية وخليك واضح حتى ما تنفهم غلط او توقع بمشاكل واستفزاز بشغلك ومع المحيطين يوم في زيارات وعلاقات كتيرة ..

عاطفياً: عندك احساس بتعب وطاقتك سلبية ومانك مرتاح .. بس بدي منك تستغل وجود اشخاص عم تتقرب منك او عم تبادرك بالاعجاب وبتحبك .. لا تفقد الامل وهدي بعلاقاتك وفكر بأيجابية ولا تتسرع ومو كلشي تاخدو بشكل جدي حضورك مميز وملفت لهيك ريح راسك وخلي خط لرجعة ولا تسكر الابواب كلها وانطر تغيير حلو بس مرق هاليوم .

صحياً: شوية تعب وارهاق والملل عم يسيطر وتحسن تدريجي اذا عندك مشكلة صحية ..

 برج الثور

مهنياً: يوم داعم وعندك تتطورات وشعبيتك زايدة ولازم كتير تستغل الفرص والعلاقات مع اشخاص جديدة وبتسمع اخبار حلوة وعم ضاعف جهودك وتفاهم وانسجام وعم يكون في لقاءات وعزائم وسهرة حلوة بيومك واذا بحاجة مساعدة لا تتردد.. استغل طاقتك اليوم لان الوضع المالي مدايقك وممكن تحصل على مال ..

عاطفياً: اشخاص كتيرة عم تتقرب منك وعم تتحول علاقات لحب وشخص مهم او مشهور بتتواصل معو وممكن بداية لشيء جديد ..البعض عم يكون عندو علاقات سرية وانتبه من الاستغلال الجنسي وعلاقات تسلية والي عم تكون مضيعة للوقت ..

بدي منك تستغل حضورك وجاذبيتك لان العين عليك من الجنس الاخر ونظرة الاعجاب حاضرة .. استغل هاليوم وكون مع الشريك لتحسن من واقع العلاقة وأنتبه من اي اصطدام او تصرف غير محسوب ..

صحياً: بتتجاوز وضع صحي ونفسي وتدريجي صحتك بتكون افضل ..

برج الجوزاء

مهنياً: امورك متقلبة وعند اختبار لوضعك .. بس لازم تنتبه من محيطك وعلاقاتك ولا تخلي حدا يستفزك ويأثر عليك وانت مضغوط بكتير قصص بالبيت وشغل ويمكن اب او حدا مهم وبحاجة لتلاقي حلول لمشاكل العمل والمال المهم تحافظ على سمعتك لان اشخاص ناطرينك ع دقرة ولا تخالف القانون بهاليوم .. فرصة شغل جديد ونقلة نوعية ناطرتك واستغل شعبيتك لتعمل شهرة اجتماعية وتدريجي انت افضل ..

عاطفياً :رغم الاحساس بالوحدة وشكوك لازم تخفف من حدة توترات وتتقرب اكتر ولازم تفكر تحسم امورك بيوم بحاجة كتير في للمبادر من الشريك وتقضي وقت طويل .. روق ولا تصعد وكون دبلوماسي بكلمتين حلوين بيتحسن وضعك وتعرف كيف تتصرف .. في اشخاص كتار حولك وشخص مهم او مشهور بتتواصل معو بلاخص الخالي من الحب ..

صحياً: روق ولا تنفعل وانتبه على اهلك شوية تقلبات صحية بسبب الوضع ولامور بتتحسن بعدين ..

برج السرطان

مهنياً:تغيرات بوضعك وانت افضل بيوم الحظ عندك بتغيرات على صعيد دراسة والعلاقات وسفر .. علاقة حلوة وعم تتلقى اتصالات كتيرة وحتى من مكان بعيد ولازم يكون في عزائم او مشوار وعم تلاقي دعم من حولك وبتلاقي حلول او قصة قضائية ادارية .. وفرصة لتتعلم شي جديد وتجارب فيها فائدة وتتعرف بناس جديدة وقصة سيارة او موبايل للبعض وقصة مالية وممكن تحصل على مال ..

عاطفياً: علاقات كتيرة وامورك افضل .. بتقضي وقت حلو وممكن يصير صلحة عند البعض وتتلقى خبر بريحك وتتطور بعلاقاتك وعم تشعر بنوع من راحة بعد فترة صعبة عاطفياً عم تفتح صفحة جديدة وعودة المياه الى مجاريها وانفراج للاعزب واعجاب جديد ..

صحياً: الجلوس لفترة طويلة او اذا شغلك بيطلب هيك انتبه من الم المفاصل والعيون والحوادث ..

برج الاسد

مهنياً: في شغل وكذا قصة شاغلتك حاول ترتب امورك وتستغل يوم في تحسن نسبي وناس عم ترجع تتقرب منك وعم تحل مشكلة وترتاح من ضغوط .. عم تدارك المواقف وعم يكون في مال ولازم ترتب بيتك المال في مين بيدعمك وبتلاقي تيسير بالمعاملات ومال من شراكات وقصة بتخص المال يمكن دين او ميراث وناطر شي مالي قادم ووضع حدا بخصك بيشغلك ..

عاطفياً: يوم منيح لتعزز علاقتك وتلاقي حلول وتصالح بس مو حابب تتنازل او يكون هاشي ع حسابك ولكتار في عندو شي مشترك مع شريك ومال عم يدخل بوضع عاطفي .. بدي كمان منك لا تخلي شي يستفزك ولا تتمرد وتتفرد بالقرارات .. لازم تابع هاشي وتعطي فرصة جديدة وتساير شوي لتقدر تلاقي حلول بس لا تخاف كلو ينحل وتحسن قريب ومشوار مع شريك ..

صحياً :بعد عن الوجبات والاكل جاهز اليوم وفرصة شفاء من مرض للبعض ..

 برج العذراء

مهنياً :عم يكون في شغل جديد او حكي بشراكات عمل مع شخص او اتفاق على قصة في من وراها مال وعم يكون في عرض جديد برغم انك منفعل وضايج بسبب شي عم يتأجل هاشي مؤقت ورح تكمل معك بدي منك تروق وتهدي وتساير وتكون دبلوماسي لان المواجهات مو لصالحك والبعض ممكن ينهي شراكة او عقد روق هاليوم ولا تتردد ..

عاطفياً: فرصة ارتباط وشراكة جديدة عند الاعزب والمرتبط وضع وتصرفات الشريك مو عاجبينك و مانو على بعضو .. كلامو عم يتعبك وانت مو رايق وعم يستفزك نتبه من سوء تفاهم وتوتر بدي منك تهدي ولا تصعد الامور لان البعض ممكن يوصل المرحلة ينهي علاقة.. روق وهدي حتى ما تندم على فعل أو قرار قد تقدم عليه ساير ولامور بخير..

صحياً: فكر بنظام صحي وتعمل تغيير بصحتك وفيك تبلش نادي او هواية والبعض عندو زيادة وزن ومشاكل غدة او معدة ..

برج الميزان

مهنياً :يبدو انك لست مرتاح اليوم وماعم تتحمل حدا وضغوط والتزامات جديدة وعم تتراكم اعمال عليك فا بدي منك تلحق وتخلص كلشي حتى ماتسمع شي كلمة او حدا يلومك وانت تعبت من مسؤوليات البيت والعيلة ومتحمل فوق طاقتك .. يوم في اختبار وفرصة شغل وحتى ممكن مال من شغل او اتفاق ولازم تريح حالك جسدياً وتنتبه على صحتك اكتر .

عاطفياً :لا تتسرع ولا توثق بمين ماكان وفكر بشخص مناسب وبعد عن علاقة متعبة .. لا تخلي حدا يستغل طيبة قلبك وتنتبه من توتر بالعلاقة بالاخص يومك طويل وممل ومانك مرتاح حاول تفكر بطريقة تتعامل فيا مع الشريك وهو لازم يكون حدك ويساعدك كمان لتحل مشاكلك العاطفية ..

البعض عم يشوف أنو علاقته صار فيا يأس كبير ومافي أمل لهيك بدي منك طنش هالفترة وتروق وحاول تطلع وتغير جو والأعزب لازم تبادر وتعبر عن مشاعرك .

صحياً: عم تحس بخمول وتوتر ومشاكل اعصاب هدي وريح حالك وصحة شريك او زوج للبعض ..

برج العقرب

مهنياً: من الايام المميزة الي بتعطيك طاقة وجاذبية وتغييرات بشكل وبعلاقاتك وناس جديدة بيومك وعم تهتم بقصص الاطفال والانجاب وعم يكون في اجواء حلوة ضمن عيلتك او لتنعزم عند اخ او اخت وفي اخبار حلوة ناطرتك وزيارة ونشاط عم تقوم فيها .. ليوم احسن لتقضي وقت حلو وتتوصل لحلول ببيتك وبالعيلة ممكن دفعت مال كتير بس فرصة لتقبض كمان .. لمة حلوة ورفقات حواليك وتغيير لصالحك ونفسياً في تحسن .

عاطفياً: بتلاقي حلول وبتحسم امورك واجواء حلوة .. خفف غيرة وتسلط وبدي منك تكون مطمن امورك بتتحسن وبتحس في مبادرة ولو صغيرة ليتغير وضعك ويكون في حب ورومنسية وعم تسمع كلام حلو وفي غزل جذاب والعين عليك واجواء حميمية واشخاص عم تحاكيك وعم ترجعلك فرصة للارتباط واعتراف بالحب.

صحياً: لا تتصرف بامور صحية من عندك بدون ماتستشير أخصائي والتزم ..

برج القوس

مهنياً: يومك عائلي ومكان جديد واختبار وقصص قضائية وموبايل او سيارة .. مدايق شوي انت اليوم وفي قصة عم تشغلك بالعيلة او صحة حدا من اهلك ويمكن او اخ بيشغلك وضعوا .. عم يكون في اعطال بالبيت او عم تغير ديكور بالمنزل وفي نقل لمكان وعقارات بتشغلك ومساعدة من حدا مقرب لا تستعجل وفكر كيف تكون هادي بشغلك وبيتك .. في لمة حلوة مع العيلة وعزيمة او مشوار .

عاطفياً: كتير بحاجة لتطلع من وضعك بالبيت ويكون في شخص بعيد عن محيطك العائلي بدي منك لا تتسرع وهدي بيومك ولا تنفعل من ولا شي او حدا يأثر على علاقتك وكون دبلوماسي لتخلي يومك منيح وافصل بين حبك وبين العيلة ..والبعض بترجع اشخاص بتتواصل وصدفة رح تتطور قريباً واتصال يمكن ناطروا من شخص .

صحياً: انتبه من الحوادث وع صحة حدا بالبيت ..

 برج الجدي

مهنياً: عم تتحسن امورك ويوم جيد لتقدر تتحرك وترتاح نفسياً وعم تقدر تنجح وتتواصل مع كتير ناس ولقاءات وزيارات وفي قصة سيارة او موبايل ومال بيجيك من اتفاق او بيع وعقارات وفي اتصال بتخص شغل ومال واخ بيشغلك وضعو او ممكن بدو مال وفيك تعمل شي ع مواقع التواصل وبداية جديدة .. وكمان مدعوم بعزيمة أو لمة حلوة مع ناس بتحبن وغاليين عليك ..

عاطفياً: تحسن بوضعك اليوم وكتير ناس بتتواصل معك وحلول واتصال او لقاء طويل وشريك عندو عتب ولوم حاول تظهر مشاعرك وحرر حالك بالكلام والفعل تجاه الشريك عندك حضور مميز وجاذبية بس لا تبقى بارد .. انتبه لعلاقتك اذا متوترة وحاول تقلل الاضرار وتصرف صح حتى ماتطور الامور بالاخص العشرية الثانية ..

صحياً: انتبه من الحوادث وصداع راس ورشح والبعض بيرتاح من مرض تعبو لفترة .

برج الدلو

مهنياً: يومك مالي وممكن تبلش تتحرك ويجيك مبلغ وفي اتفاق مبدئي او شغل جديد في من وراه مال .. عم تعيد حساباتك وعم تشوف شو الك وشو عليه وعندك مصاريف طارئة وعزائم ولتعمل شي بشكلك وتجميل ومستلزمات وممكن تشتري شي او تبيع ..ضب ايدك وفكر بموارد جديدة وفي قصة قديمة ممكن توصل لحل فيها .

عاطفياً :مورايق اليوم وعم يكون في عدم الاهتمام وتقارب وهاشي ما بريحك والبعض لازم تتخلص من الماضي لان مسيطر عليك .. ماعم تفهم الشريك بهاليوم وفكر كيف تبلش من جديد وتفتح صفحة جديدة وتبدأ علاقة .. قادر تحقق شيء مهم على هذا صعيد لتكون محط أعجاب ويسلط ضوء عليك والبعض ممكن يوصلوا هدية او مساعدة من شخص .

صحياً: نتبه على صحتك ممكن البعض يزور طبيب او مشفى او لحدا مقرب .

برج الحوت 

مهنياً: من الايام داعمة الك لتكون متحرر وتاخد طاقة ايجابية وعم تنجز أعمالك وبكون في ناس جديدة ونشاطات عم تقوم فيها وفرصة ليكون في سهرة حلوة وعزيمة وبداية لشغل .. سفرة او مشوار وفرصة لتغير بشكلك وتكون جذاب والبعض بينشط على الصعيد المال .

عاطفياً: يوم منيح بعلاقات جديدة وتتطورات عاطفية لتبدأ قصة حب او تعارف ولقاء .. المرتبط عندك عاطفة وجذاب حاول تستغل هاليوم وتاخد قرار مهم وتتخلص من قصة قديمة ولتقضي وقت حلو وتعيش جو رومنسي المهم تبادر لكن بهدو وبدون تسرع لتوصل لحلول الحظ بساعدك وبوقف معك ويومك مميز ..

صحياً: خفف شرب منبهات ودائرة تانية انتبه ع صحتك .