كشفت النجمة رانيا يوسف، عن أنها تعرضت للتحرش هي وابنتها الكبرى وتخشى التجمعات وتزاحم الناس، وبعد قضية التحرش الشهيرة قررت فضح كل المتحرشين على السوشيال ميديا.
وقالت رانيا، خلال برنامج مساء dmc، للإعلامية إيمان الحصري، المذاع على قناة dmc، في مرحلة اتعرضت للتحرش أنا وبنتي الكبيرة وبقى بيجيلي كوابيس وأثر على نفسيتي وحسيت بالذنب إني معرفتش أحميها ولما كله اتكلم على قضية التحرش الشهيرة قررت افضح المتحرش لأنه جبان وخايف وأنا بعلم عليه وبفضحه وأنت لازم تدمر وده عقاب بسيط لحد ما يتحاسب”.
وتابعت، مفيش مبرر للتحرش بسبب لبس مكشوف طب اللي بيتحرش بطفلة واللي بيتحرش راجل براجل واللى بيتحرش بطفل ليا بتبرر بلبس طفلة البامبرز أيه مبرر المتحرش مريض ولازم يتعالج والسكوت مش صح أبدًا التحرش مرض فى كل دول العالم بس لما يكون فى عقاب رادع الكل هيخاف”.
وجهت النجمة رانيا يوسف، نصائح للفتيات للحفاظ على رشاقتهن وجمالهن من خلال استضافتها في برنامج مساء dmc للإعلامية إيمان الحصري، المذاع على قناة dmc، قائلة: عشان أهتم برشاقتى بصوم اثنين وخميس كل أسبوع مش جانب ديني بس جانب صحي كمان وبشرب مياه بليمون طول اليوم لأنه بينزل كل السموم على الكلى والكبد وبمشي كتير، وللاهتمام بالوجه بجيب مكسبات لون أحمر وزيوت جوز هند ولوز حلو جدًا للوجه وبلاشر طبيعى”.
وتابعت، “طول عمري بحب الرياضة وأروح الجيم وامشي وبحافظ على جسمي على طول ومحدش يعرف كنت بصور مسلسل وتعبت وخدت دواء تخنت من الدواء ١٠ كيلو وعملي مشاكل صحية كبيرة كنت بموت بس لازم أنزل اشتغل لأنى معنديش رفاهية إنى تعبانة مش هقدر أنزل من المسئوليات اللي ورايا”.