يمنى شري تطلق صرخة عن فقدان الادوية من الصيدليات


مع تدهور الاوضاع الاقتصادية التي تهيمن على لبنان وصلت حدة الامور الى صحة المواطن اللبناني وبدأ شبخ فقدان الادوية يطل برأسه على المواطنين.

وقد اطلقت الاعلامية اللبنانية يمنى شري صرخة حول تجربتها الخاصة مع الصيدليات حيث واجهت فقدان بعض الادوية في كل مرة تسأل عنها وكتبت عبر حسابها في تويتر:” بدنا نبوس ايدنا وج وقفا إنو بعدنا عم نلاقي حبة البندول بالصيدليات!!شو هيدا؟سكروا هالصيدليات ياعمي لشو فاتحينا؟شو ماعم بسأل مقطوع مقطوع مقطوع!! الوكيل ماعم يسلّم!حبة دوا مش موجودة كفيلة تقتل إنسان ياعمي!!!ياخيي ليه عم تجزّروا فينا هيك؟؟ #الادوية_مقطوعة#صحة_الناس“.

وتابعت بتغريدة ثانية:”قوم ياوزير الصحة نزال عالصيدليات،قوم ياوزير الاقتصاد نزال عالصيدليات،قوموا ياوكلاء الادوية يامجرمين،قوموا شوفوا الناس عم تموت عحبة الدوا المفقودة”مؤقتا”بانتظار رفع الدعم من المناضل رياض سلامة تيغللوووو!!قوموا شوفوا ناس من عمركن ومن من عمر أهاليكن عم يبكوا ويدعوا عليكن واحد واحد!”.

واضافت:”كيف إلكن قلب وضمير تقطعوا أدوية فِقدانها بيقتل ووجودها بينقذ إنسان!!أدوية الضغط والقلب والسكري يامجرمين يابلا ضمير!!أهالينا كبار ياغُولان،من وين منجبلن إدويتن الحساسة الاساسية؟الله ينتقم منكن واحدواحد!،قاطعين الادوية عن الناس،فرحانين برفع الدعم الجايي تتعبوا كروشكن أكتر! #لبنان“.

واردفت:”قوموا شوفوا #الصيدليات كيف منفّضة!متل دكاكين السّمانة العتيقة!وهيك صار منظر البنوك،وهيك صار منظر السوبرماركت!وهيك صار منظر حياتنا.إنتو مجرمين سراقين غولان مال شراشيح سفاحين ومافيات!والساكت فيكن مشارك! @Hamad_hassan20@RaoulNehme#رياض_سلام#وكلاء_الادوية#الدواء#رفع_الدعم

يذكر ان يمنى شري تطل الاسبوع المقبل في تجربة درامية جديدة لمسلسل هند خانم المقرر عرضه على تلفزيون الجديد، كل اربعاء وخميس وجمعة وسبت الساعة التاسعة والنصف مساءً، وهو من انتاج مروى غروب وبطولة ورد الخال خالد القيش كارين سلامة، ومجموعة من الممثلين اللبنانيين.