نشر في 16-08-2020 الساعة 13:49

حرص الفنان المصري محمد رشاد، على توجيه رسالة لجمهوره بعد اخبار انفصاله عن الاعلامية مي حلمي.

قال محمد رشاد من خلال صفحته الرسمية على انستغرام:” حب الناس .. هو أغلى نعمة من الله  الناس اللي دايما  بتساندنا  وتفرح لفرحنا وتقف جنبنا ولو بكلمة حلوة .. من غير ماتستني مقابل ..ربنا يحبب فيكم خلقه .. ياأحسن ناس”.

https://www.instagram.com/p/CD69ozQHWjn/

وكان محمد رشاد قد نشر تعليقا عبر حسابه على موقع التواصل الاجتماعي انستغرام يكشف فيها تفاصيل جديدة عن انفصاله عن الاعلامية مي حلمي. 

وقال رشاد : “قبل أي شيء بسم الله الرحمن الرحيم .. الطلاق مرتان فإمساك بمعروف أو تسريح بإحسان .. صدق الله العظيم”.. الآية الكريمة دي بتلخص تفاصيل كتير مش هدخل فيها لأنها تخصني، وتخص طرف تاني كان في يوم جزء من حياتي.. وبعد 3 مرات طلاق أكيد ماينفعش نكمل وكأنه محصلش”.

وأضاف رشاد قائلا : “أنا بطلب من كل الناس سواء بتحبني أو لا.. بتابعني أو متعرفنيش أصلا.. أنهم يعدو الموضوع كأنه مجاش قدامهم.. لإني مهما شفت من تعليقات سخيفة أو كويسة أو حتى هجوم من حد مش هتكلم عن تفاصيل زواجي بالحلو أو الوحش. 

واوضح رشاد قائلا : “فالأول والآخر ياريت نراعى أن البنت بتتأثر بالكلمة الوحشة قبل الحلوة … قضينا أيام منها الحلو.. ومنها اللي مش حلو.. وكل شيء نصيب وقدر من ربنا وبتمنى كل الخير والسعادة للناس ولإنسانة طيبة  وليها مكانة في قلبي والنصيب والعشرة انتهت لحد هنا.. وده هيكون اخر حاجة ممكن أقولها بخصوص الموضوع ده”.
وقال رشاد : “أتمنى تقروا وتفهموا الكلام كويس وتنفذوه من فضلكم.. كل شيء نصيب والكلمة الطيبة قدرها كبير عند الله و في قلوب الناس”.

https://www.instagram.com/p/CD3hC3fn6oI/

أحدث تعديل 16-08-2020 الساعة 13:49