ريما الرحباني غاضبة وتهدد من الاقتراب لإرث فيروز الفني


كتبت المخرجة اللبنانية ريما الرحباني بياناً عبر موقع فيسبوك، شددت من خلاله على أنه يمنع منعاً باتاً أن يتصرف أي شخص بأعمال والدتها الفنانة الاسطورة فيروز .

وقالت الرحباني في البيان إنه ممنوع لأي شخص مهما كان أن يتصرف بهذه الأعمال إلا الفنانة فيروز، لأنها الأساس وصاحبة هذه الأعمال ومشاركة في جميعها، وفيروز الوحيدة التي تحافظ على مستوى الأعمال وجوهرها.

تنبيه: ⚠️⚠️يرجى توخّي الحذر! ⚠️ لا يُنصح بهذا البوست لأصحاب القلوب الضعيفة و/او الرقيقة ⚠️🔞 تحت طائلة المسؤولية 🔞…

Posted by Reema Rahbany on Wednesday, July 15, 2020

وأضافت أنه من الظلم مساواة أخوها الفنان زياد الرحباني بالبقية، لأن زياد قام بإثبات نفسه منذ زمن، بعيداً عن الاستعانة بالعائلة الفنية، بالإضافة إلى دعم ومباركة عاصي ومنصور الرحباني .

وجاء بالرسالة مفصلاً:”تنبيه: ⚠️⚠️يرجى توخّي الحذر! ⚠️ لا يُنصح بهذا البوست لأصحاب القلوب الضعيفة و/او الرقيقة ⚠️🔞 تحت طائلة المسؤولية 🔞 ويُنصح بوجود الأهل 👨‍👩‍👧‍👦في بيناتنا عِرْف!!!؟ 😳 عِرْف شو؟ 🤨🤨🤨 منين؟ أيّة ساعة؟ 🤨🤨🤨كيف في عِرْف بيناتنا وما حدا منّا عِرِف!؟ 😳يا قطيعة هيك عينك بنت عينك! 😳وكدسة الإنذارات ل فيروز اللي مجمّعتن ع مر السنين منُن مديتن إيديّي شو؟ 😏 والدعوى على فيروز بصح النوم والتوقيف والمنع بيعيش شو؟ و و و… يا عمّي خلصنا كذب ونفاق!طيب انا هلق قرّرت طلّع عِرْف جديد 😁 ممنوع حدا يتصرّف بالأعمال غير صاحبة الأعمال مين ما كان يكون من كبيرن لزغيرن منيح؟ رغم انو من الظلم مساواة زياد بالباقيين لأن زياد أثبت حالو من زمااااااااااااان وبعيداً عن العيلة وبوجود عاصي ومنصور وبمُباركتهن مش متل الآخرين تعربشوا بعد رحيل الأخوين وفلِت الملق وصار مين ما كان يفتك بهالإرث إلا صاحبة هالإرث! 😒 اذا ما منحكي ما معناتا ما رح نحكي بس بقى إستغباء وخبث عيب.بوجود فيروز يطوّل بعمرا كلنا برّا لأن فيروز مش وريثة! فيروز الأساس فيروز صاحبة هالأعمال ومشاركة بهالاعمال وفيروز الوحيدة اللي عم تحافظ على مستوى الأعمال وتجَوهِرُن اكتر واكترهيدا العِرْف الوحيد اللي بِعترف فيه! 😤 يبدو الآدمي والكبير والصريح ما إلو مطرح بهالدني بس ما معناتا ما إلو حق يحكي ويقول ويحط النقط ع الحروفانا هالمرّة بعترف إنّي غلطت وكان لازم اتصرّف بيدون مراجعة حدا وبيدون اعتبار للآخرين كان لازم ابعت الإنذار لاللجنة متل ما كنت ناوية أعمل بيدون ما تلفن لغدي بكل طيبة قلب وقلّو إنّي رح إبعت انذار وهوّي يتخبثن عليّي متل عادتو وإنّو لاء بلاه لأن حكيوه إلو وإستأذنوه إلو وهوّي بيضمنلي إنو ما رح يتم المتاجرة بهالشي عالانترنت 🤥 ورح تكون بس بث مباشر على ال بي سي بيدون ما يخبّرني إنّو هنّي اللي عرضوا حالن ع اللجنة وفرضوا النوطات والتوزيع تبعن بدل ما يعطيوهن النوطات الأصلية وطبعاً لا إستأذنوا زياد ولا فكّروا يسألوه حتّى اذا بيحب يكون مُشرف على هالشي…. اللي بعديييييين فهمنا انو طلع إسمو تكريم! 😳 ويقعدوا على الفيلم اللي مرق يأرّخوا اعمال بعلبك ع ذوقن ومتلما بيناسبُن وبيخدمُن ويأسِقْطوا من التأريخ اللي بيناسبُن بما فيهن صح النوم لفيروز وعمل ابن عمّن غسان وصورة هدى! معليه يسمحولي هدى ركن من أركان هالمملكة وأهم بكتير من اللي فيما بعد سلحبوا ع بعلبك.. بكتييييير! وإلا هدى استعملوها وقت كانوا بحاجتها ومن ثم استبعدوها؟ 😏 هيدا اللي شاطرين فيه وتاقنينو دايماً وكل العمر؟ليه ما خبّروني قبل؟ لازم اقرا بالجريدة انو في هيك تباديع وبإسمنا وإسم فيروز وعاصي؟ بعرف طرقُن وأساليبُن ونواياهُن ع مر السنين حلّي أعرف. اكيد استبعدونا تيستفردوا بهالمناسبة ويقَوِلبُوها لصالحن وع قياسُن ويفرضوا نظريّاتن العظيمة بأدق التفاصيل. تماماً متل ما إستبعدونا وقت المرسوم الوزاري وأسقطوا منّو عاصي عمداً وزوّروا بتاريخ الأخوين! انا هالمرّة غلطت إنّي ما وقّفت هالتطاول قبل ما يصير! وحكيت غدي لأن قبل بمرّة بعتوا هنّي كمان انذار لبعلبك إنّما وقتا هنّي كانوا برّا وكان غيرن دايرها 😏 هالمرّة والله ما كنت عارفة إنّهن جوّا 🤢 بس بوعدكن ما بقى رح إغلط 😁هيدا الخبث ما عاد ينفع والسكوت ما عاد ينفع 😏بعدين للجوقة والاقلام اللي بيفلتوها متل العادي عليي 😁 ولبوطة المطبّلين اللي رح يهجموا عليّي فور قراءة هالشي 😁 وبيدون ما يفهموا شو عم قول سلف بقول 😁لمّا طالب بحقوق ما بيعني عم طالب بمصاري! الحقوق هيّي قبل كل شي معنويّة هيّي احترام هيّي معرفة كيفية التعامل مع صاحب العمل وأعمالو وهيّي أهم شي عدم تشويه الأعمال وعدم تزوير الحقايق والتعربش عليها. المُطالبة ما بتعني بولا لحظة المصاري متلما الإرث بيعني القيمة الفنيّة وهوّي لا يُتَمّن بثمن انما بطريقة المحافظة عليه. الإرث الفني منّو شقفة أرض بتنباع وبتسجّلا بإسم فلان او فلان وبتقبض عليها مال يا حلوين! 😏 الإرث الفنّي هو مسؤوليّة واحترام واللي بدّو يحافظ عليه بدّو يكون محب وعندو ما يكفي من النُبل تيكون مِمحي 😑 مِش مدّعي ومُتعربش وفالقنا ليل نهار بشتّى وسايل الإعلام! 😅من هون كل اللي بينقضّوا عليي بحجّة انّي بدّي مصاري او بدّي شهرة كلما فتحت تمّي تإحكي رغم إنّي نادراً ما إحكي لازم يعرفوا إنّو بالطريقة اللي انا عم حافظ فيها على هالإرث ما بيطلعلي منها لا شهرة ولا مصاري ومنّي راكضة وراهن اساساً لبل هربانة منهن الحمدالله. 😎 بالعكس تماماً بيطلعلي هجوم عشوائي ومنظّم بنفس الوقت 😁 متل اللي منشهدو كل مرّة بحكي او بطالب فيها بالحق. إنّما بالطريقة اللي الآخرين عم يتصرّفوا فيها بهالإرث بتثبّت وبوضوح تام لا لُبْس فيه إنّو هنّي اللي راكضين ورا المصاري والشهرة والتعربش ووو التزوير 😏بالمُختصر المفيد 😁 انا ما رح إسكت طالما في الحاح وإصرار على تزوير وتشويه هالإرث والحقايق والتاريخ وما حدا منّا نصّب حدا منهن يحكي عن فيروز وعاصي و/أو ينوبوا عنهن 😳 بقى يشيلوا هالمهمة عن نفسن نهائيا 😒 وهيدا الإرث بدّو يبقى متلما هوّي بيدون تشويه وبيدون تحريف وبيدون تسلحب اسامي دخيلة عليه وغير هيك ما رح إسكت. 😤 اذاً بسيطة كتير اللي مزعوج من حكيي يوقّف تمادي وتطاول وتزوير وانا بوعدو ما بيعود يسمع حسّي بنوب 😁 غير هيك ما عندي 😑ومن اليوم وطالع الحكي رح يبّطل مُلطّف وملفلف 😏 إءْ طبعاً خلّي الناس كلّن يفهموا بوضوح اذا هيدا اللي عم تسعولوا فليَكُن 😁وشكراً”.

وكانت ريما قد هاجمت مسبقاً لجنة مهرجانات بعلبك الدولية واصفة إياها بـ”لجنة ولدنات بعلبك”، وذلك بعد الحفل الموسيقي الذي أقيم في قلعة بعلبك ، وحمل عنوان “صوت الصمود” من دون جمهور، وأقيم في الخامس من الشهر الحالي.

وتضمن الحفل موسيقى لعشرين دقيقة للأخوين رحباني، تكريماً لهما ولفيروز. وعُرضت مجموعة من الصور والأفلام كاستعادة لتاريخ المهرجان، وبث الحفل على الشاشات اللبنانية مباشرة، ولقي نجاحاً كبيراً.

وفتحت مسألة الخلاف على الإرث بين ريما الرحباني مع أولاد عمّها منصور الرحباني  بسؤالها “دخلكن الأخوين رحباني مش تنين؟ ما فهمت أنا اذا بدكن تعيدوا أي عمل من أعمالن مش لازم تاخدوا إذن من التنين؟ ولما بدكن تستعملوا صورلفيروز مش لازم تستأذنوها”.

وتعتبر ريما من المدافعين الأوائل عن كل ما يحصل أو يخص والدتها الفنانة فيروز، حيث طلبت من جميع الفنانين في وقت سابق عدم إعادة أداء أغاني والدتها بطريقة مختلفة وتوزيع مختلف، معتبرة ذلك تطاولا على الإرث الفيروزي الرحباني، وأنه يجب على أي كان أخذ الموافقة المسبقة والخطية إن أعطيت وذلك تحت طائلة المسؤولية والملاحقة القانونية.


Beirutcom.net