احيت المطربة امينة الذكرى الاولى لوفاة شقيقتها “عزة” عبر حسابها على موقع تبادل الصور والفيديوهات “انستغرام”.
ونشرت أمينة صورة لشقيقتها وكتبت قائلة “ياااااه يا أختي سنة سنة عدت كأنها يوم وكأني لسه بسمع وبيجيلى خبر إنك اتوفيتي زي مكالمة بابا لما اتوفى ومكالمة ماما لما اتوفت كل الصدمات دي باخدها عن طريق التليفون وأبدأ رحلة سفري من مصر إلى إسكندرية وأنا قلبي بيوجعني قوى وخايفة من المواجهة مواجهة حد مش هيتحرك ويحضني ويدفيني ويشيل من عليا مواجهة حد هيبقى نايم بس أدامى واصحيه مابيصحاش مابيقومش.
وتابعت “ياوجع قلبي عليكم ٧/٧ ذكرى وفاتك يا زوزا أنا تعبانه قوى يا عزة بجد تعبانه وانتي كنتي بتهوني عليا كتير حتى لو بالكلام كل يوم بدعيلكم وبدعيلك قوى كل يوم لازم أبص على رقمك اللى لحد دلوقتي متسجل عندي لدرجة إنى بتصل بيه وعارفة ومتأكده إنك مش هتردي إحساس بجد بيحرق قلبي”.
واضافت “أنا متأكده إنك في مكان أفضل ومرضك وصبرك على المرض بالضحكة اللي كانت مابتفارقش وشك رغم ألمك شفيع ليكى عند ربنا سبحانه وتعالى الله يرحمك ويغفرلك ويسامحك يا أطيب قلب كان في الدنيا٧/٧/٢٠٢٠ ثانوية أختى نور عيني”.