شارك الفنان المصري تامر حسني جمهوره منشورا تفاؤليا بسبب تفشي فيروس كورونا حول العالم وارتفاع المصابين بالفيروس، وذلك من خلال حسابه الرسمي عبر موقع التواصل الاجتماعي فيسبوك.
وتضمن منشور تامر حسني رسالة إلى جمهوره تحثهم على التفاؤل واليقين في قضاء الله وقدره حيث نشر حديث عن الصحابي ابن مسعود وعلق على الحديث قائلا: “و دا يخلينا دايمًا نظن بالله خير ولازم نبعد عن التشاؤم عشان التشاؤم بيخليك تبني علاقة جذب كبيره بينك و بين كل الأفكار السلبيه و يقربهالك وتتوهم ان ربنا كتبهالك”.
وتابع قائلا: “لا دا غلط و الف غلط لازم نكون العكس تمامًا و نبني علاقة حلوه و طاقة جذب كبيره تجاه ما بنحب و نتمناه ارجوكم إعملوا كدا صدقوني و متيأسوش من رحمة ربنا ، ربنا بيحب العبد اللحوح في الطلب اللي مصمم و مش بييأس و مهما كانت الصعاب اللي بتعيشوها إعرفوا ان في اصعب من كدا ممكن يحصلنا و بكتير ف نقول الحمدلله و نتفائل”.
وأردف في كلامه “آخر حاجة نسيبها في مخنا تكون إيجابيه ارجوكم عشان هتبني علاقة جذب جميله بينكم و بين هدفكم حتى لو كان بعيد مش هتخسروا حاجه لما تكون آخر حاجة سيبتوها في دماغكم متفائلة وكلها ثقة في ربنا إنه هيحققهالكم و دايمًا قولوا ان شاء الله هقدر ان شاء الله هيحصل ، تفائلوا بالخير تجدوه.
يذكر أن تامر حسني يقوم حاليا بتصوير فيلمه الجديد “مش انا” والذي يشارك فى بطولته حلا شيحة، بينما قام تامر بتأجيل جميع حفلاته المقرر إحياؤها الفترة الحالية بسبب فيروس كورونا.