نشر في 14-08-2019 الساعة 09:35

ردّت مراسلة “الجديد” راشيل كرم على مراسلة “فرانس 24” كارمن جوخدار التي قالت فيها: “لبنان وطن الذل!”.
وعلى حسابها على “تويتر”، كتبت كرم: ” كارمن شي مرة شفتي شي مصري او سوري او تونسي او بلجيكي او فرنساوي او هندي عم بقول هوي عن بلدو هيك؟؟
مصر وطن الذل؟
سوريا وطن الذل؟
فرنسا وطن الذل؟

ليش ما منعرف غير انذل بلدنا على السوشل ميديا ؟!
زميلتي ذلي المسؤولين والمعنيين ويلي قاهرينك بس مش لبنان كبلد!!”.
بدورها، ردّت جوخدار قائلةً: ” جربتي شي مرة توقفي تنطري على باب مستشفى مع حدا؟ بحب خبرك زميلتي العزيزة إني لما مرضت بالغربة (وما عندي جنسية مل شفت يلي عم ينعمل بلبنان) كرمال ما نحكي عن الكهرباء والطرقات والمي والتلوث. سوريا يلي صرلها سنين بتعاني من حرب ما فيها يلي موجود بلبنان”.
ثم كتبت جوخدار تغريدة منفصلة جاء فيها: “شو بتعمل مع واحد بدك تقنعو انو حقو يعيش بكرامة يكون عندو كهربا ومي وطبابة وتعليم وضمان شيخوخة؟ كيف بتقنعو حقو يعيش ببلد نضيف؟ كيف بتفهمو انو يلي عم يصير إذلال بكل ما للكلمة من معنى؟ كيف بتعرفلو شو يعني إنسان وشو حقوقو؟!”، ما اعتبرها البعض بمثابة لطشة لكرم.

أحدث تعديل 14-08-2019 الساعة 09:36
Do NOT follow this link or you will be banned from the site!