في حلقة خاصة من برنامج هي وبس المذاع على قناة DMC، وجهت الإعلامية رضوى الشربيني رسالة صريحة ومؤثرة للفنانة شيرين عبد الوهاب، بعد الفترة الأخيرة التي أثارت فيها حالة من القلق بين جمهورها ومحبيها.
بدأت رضوى حديثها: الناس زعلانة منك أوي، وزعلانين عليكى أوي، أنتي أقوى من الموقف ده، حتى لو هو صعب، وأنتي اللي قلتي: أنا كتير، أنا ألف حاجة على بعضها في حاجة واحدة.
رضوى الشربيني توجه رسالة لـ شيرين عبد الوهاب
وفي رسائل مباشرة، تحدثت رضوى عما وصفته بـ الاختيارات “الغلط” في حياة شيرين، قائلة: اختيار غلط، شغل غلط، وناس بتشتغل معاها غلط، ده كفيل يهد كل اللي بنعمله.
وأضافت: شيرين عبد الوهاب، الست اللي كنت بشوفها على المسرح كانت بتطلع الموضة.. ربنا مديكي حب الناس.. يلا بقى كفاية كده.
وأكدت رضوى على أهمية حب الذات بالنسبة لأي امرأة، وخاصة فنانة بحجم شيرين، وقالت: لازم تحبي نفسك شوية.. ده انتي نص أغانيكي عن إزاي نحب نفسنا.
كما وجهت نصائح عامة للفتيات حول العلاقات العاطفية، مشددة على أن: مفيش صداقة بعد علاقة. الأمان مهم جدًا، لما أكون في علاقة، أبقى متأكدة إني ست آمنة ومطمئنة، العلاقة لازم تكون ليها مستقبل ومحترمة، ساعتها تعرفي إنك مع الراجل الصح.
وفي فقرة توعوية، حذرت من سمات الشخص السام التوكسيك، قائلة على طريقة روبي: إمتى تقولي باي باي؟ لما يبدأ يسقطك، يكدب عليكي، أو يبقى بخيل حتى في المشاعر. لما يقولك: بطلي كذب بقى، أو يسخر من شكلك.. دي علامات خطيرة.
واختتمت رسائلها بكلام موجه لكل البنات: في واحدة عندها 20 سنة وجاهزة للجواز، وفي واحدة عندها 50 ولسه مش جاهزة. السن المناسب للجواز؟ هو السن اللي تكوني فيه جاهزة فعلًا، مش اللي الناس بتحدده.
برنامج هي وبس
يذاكر أن برنامج هي وبس، يذاع عبر شاشة قناة DMC يومي الثلاثاء والأربعاء في تمام الساعة 11 مساء، وهو من تقديم الإعلامية رضوى الشربيني.