كشفت الإعلامية أسما إبراهيم، عن تفاصيل مكالمتها الهاتفية مع الفنانة شيرين عبد الوهاب، والتي أعلنت خلالها عودتها بالعديد من المفاجآت للجمهور.
وكتبت أسما إبراهيم، عبر صفحتها الرسمية على موقع التواصل الاجتماعي «إكس» قائلة: «صحيت النهاردة على أجمل مكالمة من صوت مصر والوطن العربي شيرين عبد الوهاب واتكلمنا كتير في حاجات حلوة جدا شيرين بتحضر لها لجمهورها».
يذكر أنالفنانة شيرين عبد الوهاب قدمت، ببلاغا رسميا للنائب العام ضد شقيقيها محمد عبد الوهاب، متهمةً إياه باستغلال توكيل قديم ممهور بتوقيعها الشخصي وتعاقد مع المنتج محمد الشاعر دون علم منها.
وخرج شقيق شيرين عبد الوهاب، ليرد على تلك الاتهامات قائلا: «كل واحد عنده قدرة على تحمل الأذى لكن للقدرة دي حدود، ده قرار النيابة العامة بالحفظ إدارياً في كل الاتهامات الgd وجهت ليا بتاريخ 19-12-2022 يعني من سنتين».
وأضاف: «إيه هي بقي الاتهامات دي؟.. كسر الضلع والعشرين راجل اللي دخلت بيهم على اختي!، وطبعا موضوع السكينة!، واتسألت علي التوكيل بتاعي وبتاع أمي من وكيل النيابة المحترم وكله مثبت، س سؤال ج جواب، التوكيل اللي بتقول إن أنا أسأت استخدامه!».
وأكمل شقيق شيرين عبد الوهاب: «ده إن دل على شيء فهو يدل على إني مش عايز أختي شكلها يبقي وحش قدام الناس وقدام جمهورها، والأهم أمي اللي كنت مفهمها إن بنتها اتنازلت وأنا أستحمل أي حاجة إلا إنها تتوجع في ولادها، وبناء عليه رضيت بالظلم لوحدي لكن الحقيقة غير كده».
وأردف: «أنا اتطلبت في النيابة واتسألت رسمي وتم إخلاء سبيلي من النيابة علي ذمة القضية لحد ما اتحفظت القضية بس إنتي بقي بشطارتك وبأهل الشر اللي حواليكي اللي خسروكي نفسك وأهلك، خلتيني النهارده أطلع أقول جزء من الحقيقة للناس رغم إن ده اخر حل كنت أحب ألجأ ليه، وده حق ربنا لا ظلم ولا افترى».