فتح الفنان أحمد العوضي، قلبه للإعلامي عمرو الليثي خلال اللقاء الأخير الذي جمعهما عبر أحد تطبيقات المحادثات الشهيرة، والذي أدلى خلاله بعدة تصريحات عن عودته لطليقته ياسمين عبدالعزيز، وإمكانية تعاونهما في عمل فني بالمستقبل رغم انفصالهما .
حسم “العوضي” أمر عودته لـ “ياسمين”، قائلا: “أكنّ كل الاحترام للفنانة ياسمين عبدالعزيز، وأنا بحبها جدا وهناك احترام وود متبادل بيننا، لا يوجد خلاف بيننا، ولو أراد الله أن نرجع إلى بعض مرة أخرى سنعود، إضافة أنها لديها مكانة كبيرة في قلبي، وأنا أيضاً لى مكانة كبيرة عندها” .
كشف الفنان عن موقفه من التعاون مع طليقته ياسمين عبد العزيز، في فيلم سينمائي بالمستقبل، وقالًا:” طبعًا ممكن يجمعنا فيلم وأنا أتشرف بده “.
روت ياسمين عبدالعزيز، خلال آخر لقاء في برنامج «صاحبة السعادة» مع إسعاد يونس، أسباب انفصالها عن «العوضي»، قائلة:” انفصلنا عشان ربنا عايز كده، وعملت عمره وصليت استخارة، لكن ربنا أراد يحصل بينا كده “.
تابعت ياسمين عبدالعزيز، باكية: ” أنا بقيت رقيقة أوي، مكنتش كده والله، لما حبيت أحمد اكتشفت أن أنا مكنتش بحب قبل كده، إن الحب اللي قبل كده ده أنا محبتش، أن أحمد أول حب في حياتي، وكنت فاكرة أن قبل كده ده حب، لا مكانش حب لأ هو الحب الحقيقي أحمد، وبعد ما عملت استخارة وروحت عملت عمرة ودعيت ربنا اللي رايده هيكون، وأنا ربنا عايز يمشيني في السكة دي أنا راضية واللي هو عايزه يكون، وحتى لو كان عايز يدخلني في سكة مش على رغبتي لأ هو اللي شايف مش ممكن يكون ده خير “.
وأشارت «ياسمين» إلى حبها الشديد له، قائلة:” أنا عارفة أن أحمد بيحبني على فكرة، وهو عارف إني مش بس بحبه، دا أنا بعشقة، وبعيدًا أن فيه سبب من الأسباب مينفعش نتكلم فيه ومش خيانة، عشان في ناس مؤذية كتير، ده في ناس مورهمش حاجة غير أنهم يؤذوني بس بقالهم سنين، وأنا مش هينفع أتكلم في تفاصيل، والجمهور الناس الحقيقية اللي بتحبنا هي حبانا مع بعض، وفيه بقى الناس الشريرة اللي بتسخن وفيه ناس قلبها أسود ميقدروش يشوفوا اتنين بيحبوا بعض عشان هما ميعرفوش يعني أيه حب، جواهم كره محبوش فميعرفوش يعني ايه حب”.
وعن مقابلة صدفة تجمعهما في يوم من الأيام، قالت «ياسمين» :” أنا طول الوقت بهرب افتح الفيسبوك ألاقيني انا وهو حاضنين بعض، افتح تيك توك الاقيهم عاملين لينا فيديوهات، يا جماعة ارحموني الحاجات دي بتوجع على فكرة، وبتبتدي تفكري في اللي فات والحاجات دي بتوجعك بالذات كمان لما تكوني بتحبيه “.