علقت الفنانة سماح أنور على الأحداث الجارية في غزة والمجازر التي يتعرض لها الفلسطينيين هناك على يد قوات الاحتلال الاسرائيلي.
وخلال لقائها مع مجلة “حرة” قالت سماح أنور “اللي بيحصل جرايم حرب أكيد، الاعتداء مالوش أي مبرر والعدو هيفضل عدو لينا كلنا ومتقدرش تنتظر من العدو غير كل خسة لأنه معودنا على كدا انه خسيس”.
وأضافت سماح أنور ” غزة طول عمرها مدينة الأبطال من صغيرها لكبيرها والتضحيات اللي بيعملها الشعب الفلسطيني تضحيات كبيرة جدا أكبر من أي كلام عنها أي كلام عنها هيكون رخيص على التضحيات الحقيقية والمعاناة الحقيقية اللي الناس بتشوفها، اللي بنشوفه صعب ما يكون قدامه رد فعل عالمي”.
ومؤخرا، وجهت الفنانة سماح أنور اعتذارا للشعب المصري عن الفيديو الذي ظهرت فيه وهاجمت فئة من المصريين وصفتهم بالجهلة لكرههم للفن والفنانين.
وظهرت سماح أنور في فيديو مع الفنان أشرف زكي نقيب المهن التمثيلية حيث تواجدت داخل مسرح النقابة لتوضح بعض الأمور للجمهور.
وقالت سماح أنور:” بشكر حضرتك لوقوفك جنبي في الموقف دا وسوء الفهم دا، بشكر كل الناس اللي تفهمت موقفي وبشكر كل الناس على وقوفها جنبي، وبالنسبة للناس اللي فهموا موقفي غلط أحب أوضح أنا ست مصرية وأهلي مصريين ومصر دي لها عليا كتير ومكنتش هبقى أي حاجة لولا مصر وشعب مصر”.
وتابعت: “المشكلة أن كان عندي مشكلة شخصية تخص والدي ووالدتي الراحلين وعملت فيديو وكنت منفعلة جدا تجاه الناس اللي تسببوا في المشكلة دي واتفسر الفيديو بشكل غلط، أحب أقول جملة واحدة بس ومعتقدش أن في أي جملة تانية تنفع بعدها مصر وشعب مصر خط أحمر”.
وكانت سماح أنور ظهرت في بث مباشر عبر حسابها على Facebook وقالت: “هناك مجموعة من الشعب تكره الفنانين وتشتمهم وتنظر لهم بطريقة دنيئة، وده مش بيهم الفنان لأنه بيبدع عشان يتبسط ويبسط الناس اللي بيحبوه، واللي مش سعيد بالفن والفنانين يولع، إحنا كفنانين مش بنعمل الفن عشانك، إحنا بنعمله عشاننا إحنا وعشان خاطر موهبتنا اللي من روح الله نفسه، بس الناس الجاهلة”.
وطالبت سماح أنور خلال الفيديو بضرورة إجراء قانوني ضد صاحب هذا العقار لوضع لافتة والديها تكريمها لهما ولمشوارهما الفني، وذلك ضمن مبادرة “عاش هنا”، التي توضع عند منازل الفنانين الراحلين، تكريما لذكراهم، بالتنسيق مع وزارة الثقافة وأبناء الفنانين.
وقالت: أنا مش بعمل الفيديو عشان يوافقوا، لا أنا بعمله عشان دا ماينفعش يتساب كدة، ماينفعش حد يسيب التخلف دا في النور، اللي يسيبه يبقى مالوش لازمة في الحياة كلها.
من ناحية أخرى، شاركت سماح أنور في موسم رمضان الماضي 2023، من خلال مسلسل الصندوق، بطولة كل من: أحمد داش، هدى المفتي، علي قاسم، وآخرين.