عبر الرابر المصري ويجز عن استيائه من قصف مدخل مستشفى الشفاء في غزة وسيارات الإسعاف.
كتب ويجز عبر حسابه بتطبيق Instagram: “الاحتلال لن يقدر على الرياح، وكل ما يتسعر بتزيد فرصة إنه يعض ديله، كل شيء يكرهك ويتمنى زوالك من الوجود يا معتدي، وهو ما سيحدث بدون ذرة شك قريبا”.
يذكر أن ويجز شارك في مظاهرات منددة بالاحتلال الاسرائيلي في نيويورك، وبعدها أطل للجمهور على قناة “الجزيرة مباشر”، ليتحدث عن الكثير من الأمور الشائكة في القضية الفلسطينية، وقال: “مثلا الاستخبارات الأمريكية (CIA) مش عارفة، وأنا اللي عارف إيه اللي بيحصل في غزة؟! لا هما مليون في المية عارفين اللي بيحصل في غزة، واللي بيحصل في غزة معمول حسابه ومعمول له خطة والجو جميل يعني”.
وتابع: الناس دي عارفه كويس هي بتعمل ايه، وأدام الناس كلها، دا اللي أنا بتكلم فيه أنا دوري بقى كبني آدم إيه، أنا دوري أن أنا أوصل صوتي، وأتكلم وأقول على فكرة إحنا مش مغيبين أو عبط عشان نبقى عارفين أو حاجة زي دي تعدي علينا عادي”.
وأكد ويجز أن فكرة التهجير التي تدعولها إسرائيل حدثت بالفعل في أحداث النكبة عام 1948، ولكنه لن يحدث في عام 2023، وتابع ويجز داعما للمقاطعة: بقت أمريكا بتحارب الإرهاب طيب فين الإرهاب؟ العيال اللي عندها 6 سنين وسنتين في الفيديوهات دي اللي بنشوفها هل دول الإرهاب.. محدش بيتحرك، وبتكلمني عن المجتمع الدولي فين المجتمع المصري؟.