كشفت الفنانة الاردنية ديانا كرزون عن إصابتها بحالة من الاكتئاب بسبب الجرائم التي يتعرض لها الشعب الفلسطيني على يد قوات الاحتلال الإسرائيلي وذلك من خلال منشور عبر صفحتها الخاصة على موقع الصور إنستجرام.
وكتبت الفنانة ديانا كرازون قائلة: «دخلت في حالة اكتئاب مش طبيعية، مش قادرة أستوعب شو عم بصير، في غصة كبيرة بالقلب ببكي من جوا، وما باليد حيلة غير الدعاء، أشعر أن الإنسانية راحت، أو يمكن بدأت تنقرض أو بطل في قيم ومبادئ زي زمان …قبل ما أتزوج كنت أحس أمي بتزودها شوي قديش كانت تخاف علينا وبعد ما تزوجت حسيت قديش الضنا غالي كثير، ولا شي بالعالم بيسوى شي قدام ولادي يلي هم أهم شي عندي وبالمرتبة الأولى».
وتابعت ديانا كرازون قائلة: «من وقت ما بلشت الأحداث وأنا بشوف كل أم فلسطينية كيف بتودع ولادها وقلبها محروق عليهم وبنفس الوقت قديش قوية وجبارة صرت ما أنام بالليل صار عندي أرق كل شوي أصحى أشوف راشد نايم واصفن فيه وأدخل عند سلمى بغرفتها واطمن عليها، أه على الوجع، الله يكون في عونكم».
وطرحت ديانا كرزون أغنية جديدة عبر حساباتها على مواقع التواصل، لتُطلق عليها إسم “الشعب البطل”، حيث تضمّنت كلمات حماسية ودعوة لأهالي فلسطين للإتحاد من أجل الصمود.
وشاركت ديانا متابعيها أمس الجمعة، مقطعاً من الأغنية الجديدة عبر حسابها الخاص على إنستقرام، واكتفت بالتعليق على منشورها بعبارة : “الشعب البطل”.
الأغنية من كلمات سائد العجيمي، ألحان محمد بشار، وتوزيع خالد مصطفى، كما حملت الكلمات التالية :
أنا وقت الجد وعند الرد طوفان ومد فلسطيني
من فوق الأرض وتحت الأرض وأنا الإسمي فلسطيني
لا تتحدى رح نتصدى لكل العدوان
احنا رجال ولا تتعدّا وهي الميدان
بوجه المحتل وما بنهدا واشهد يا زمان
شدو بعضكم يا أهل فلسطين شدو بعضهم
والله معكم يا أهل فلسطين والله معكم