ناشد النجم المصري تامر حسني جمهوره للمشاركة في جهود إغاثة أهالي غزة.
ونشر تامر حسني عبر حسابه في موقع التواصل الاجتماعي إنستغرام رسالة لجمهوره قال فيها: “تبرعوا للهلال الاحمر المصري لمساندة اخواتنا واطفالنا و اهالينا ابرياء غزه …. المره دي اكتر من اي مره ارجوكم ارجوكم اللي يقدر يتبرع بأي شيء و بأي رقم و لو بسيط ياريت ميتأخرش”.
وخلال الفترة الماضية، تعاون تامر حسني مع الهلال الأحمر المصري في جهود الإغاثة، وشارك في حملة لإرسال المساعدات للمنكوبين بسبب إعصار ليبيا وزلزال المغرب.
ونشر تامر حسني عبر حسابه في موقع التواصل الاجتماعي إنستجرام حينها صورا توثق مشاركته في حملة مساعدات للبلدين، ووجه لمتابعيه رسالة قال فيها: “شبابنا و كل اهالينا في مصر طبعاً كلنا شوفنا اللي حصل في المغرب و ليبيا و اكيد كلنا في اشد حالات الحزن و نفسنا نعمل حاجه”.
وأضاف: “كلامي للّي قادر .. واللي مش قادر جزاه الله كل خير لو كثف الدعاء لاهالينا و اخواتنا مش هطول عليكم … يا جماعة عندنا في مصر جمعية الهلال الاحمر المصري بجد ناس ليهم الجنه ان شاء الله انا فخور بيهم اوي و بحبهم اوي من كل قلبي، دول ناس رحيمه وهبوا حياتهم لخدمة الانسانيه و كل يوم عندهم شباب جميل متطوع لخدمة الانسانيه ، الحقيقه ان انا بمشيئة الله دايماً معاهم في كل ازمه بتقابل مصر او اي شعب عربي بس اكيد انا مش كفايه”.
وتابع: “اتمنى من كل مصري انه يهتم بالجمعية العظيمه الرحيمه دي و يحاول يقدم اي دعم و لو بسيط ليهم، و اتمنى ان اللي ميعرفهمش يحاول يعرفهم كويس عشان لو عرفهم و عرف دورهم و ازاي بيخاطروا بحياتهم عشان سلامة و انقاذ البشر هيبصلهم بنظره عظيمه تانيه”.
واختتم تامر حسني رسالته قائلا: “من قلبي كل المواساه لاهالينا في المغرب و ليبيا و من ارض مصر بنقولكم كل مصر معاكم و خالص تعازينا لاسر الضحايا من اهالينا و كل الدعاء لعودة و سلامة المفقودين منهم ربنا يصبركم و يحفظكم و يحفظ امتنا العربيه”.
يذكر أن تامر حسني عرض له مؤخرا فيلم “تاج”، الذي تدور أحداثه في إطار كوميدي فانتازي حول شخصية البطل الخارق أو الـ”سوبر هيرو”، ويجسد تامر حسني شخصيتين لشقيقين توأمين اسمهما “تاج” و”هارون”، ويمران بالعديد من الأزمات، أما الفنانة دينا الشربيني فتجسد دور مدرسة موسيقى.
فيلم “تاج” بطولة تامر حسني، ودينا الشربيني، وساندي، وبيومي فؤاد، وهو من تأليف تامر حسني وإخراج سارة وفيق.