أعلن مطرب المهرجانات علي قدورة اعتزاله الغناء وتبرأ من كل الأعمال والموسيقى التي قدمها
ونشر علي قدورة صورة له أثناء أدائه للعمرة وكتب معلنا الخبر وقال: “السلام عليكم في يوم جمعة مبارك أنا علي عبد القادر السيد، الشهير بـ علي قدورة كنت مغني قبل النهاردة في حاجة حصلتلي مش عارف إيه هي بس الحاجة دي هي اللي بتخليني اتكلم دلوقتي، أنا بريء من كل عمل أو مزيكا عملتها في حياتي وبعلن اعتزالي عن مجال الأغاني لحد ما يفتكرني ربنا”.
وتابع علي قدورة: “يارب سامحني عن أي حاجة أنا عملتها في حياتي أو أي حاجة صدرت مني ويارب قربني ليك وافتحلي باب رزق يرضيك ومفيهاش حاجة لو بدأت من جديد في أي شغل بالحلال وأي فلوس معايا أنا هسيبها بالرضى لأهلي ومش عارف هيبقي الصح إيه وهبقي لا امتلك إلا “صفر” وربنا يثبتني في الطريق ده ومش هطول عليكم بس دي نيتي وربنا كريم و كبير وغفور رحيم”.
وعلي قدورة من مطربيا لمهرجانات قدم عددا من المهرجانات بمشاركة حمو بيكا، حصل على عضوية نقابة المهن الموسيقية عام 2021في وقت أزمة النقابة مع مطربي المهرجانات.
يذكر أن أشهر المهرجانات التي شارك في غنائها علي قدورة هي “مبقاش في خير في الناس”، “مهرجان ملكة جمال”، “اللي يجي يجي”، “مصنع أندال”، “عين الأعدء مش تغمض”.