وضعت الفنانة الشابة داليا شوقي، الفنان محمد فراج في مأزق بعد دعمه لها ودفاعه عنها، ومهاجمة منتقديها ووصفهم ب “قابضين”.
انزعج الجمهور من هجوم فراج وإنكاره لهجوم على البعض على داليا شوقي، لذلك رد فراج على رواد التواصل الاجتماعي من خلال بيان نشره عبر حسابه الشخصي على انستغرام.
وكتب فراج في بيانه كاتباً: “فوجئت بعدد كبير من أصدقائي بيقولولى “مزعل الجمهور ليه يا فراج”، بصراحة استغربت من السؤال، أنا بقالي أكتر من 15 سنة ممثل عمر ما حصل إن اتقال لي جملة زي دي”.
وتابع: “القصة بإختصار، أنا كنت في العرض الخاص لفيلمي، واتسألت من برنامج محترم عن ردي على إشاعة انفصالي عن بسنت وانتقاد أداء داليا شوقي، ورغم إن لا الوقت ولا المكان يستحملوا الكلام ده لأننا بنحتفل بالفيلم لكن احتراماً للإعلام بشكل عام جاوبت.. بس زي ما كلكم عارفين إن صيغة السؤال بتتحذف في المونتاج والخبر اللي بينتشر هو الإجابة فقط لا غير”.
وأكمل فراج: “السؤال كان: إيه ردي على حملات الإهانة والتجريح؟، فأنا قلت إن ده ماينفعش ناخده بجدية لكن مكنتش بتكلم على الجمهور بشكل عام إطلاقا، أنا متأكد إن جمهوري اللي بنى اسم محمد فراج فاهم معنى كلامي كويس وعارف إن فيه فرق بين الرأى (حتى لو كان سلبى) وبين الشتيمة.. فيه فرق بين وجهة النظر وبين الإهانة والتجريح.. و متأكد كمان إن جمهورى عارف إني مستحيل أحجر على رأيه، وياريت دايماً الحكم على أي موقف أو رأي يكون بنظرة شاملة مش من خلال سطرين متاخدين من مانشيت على فيس بوك أو من فيديو اتعمل له مونتاج”.
وختم: “معلش طولت عليكم بس يمكن اللي حصل ده كان فرصة لتأكيد امتناني الدائم بآراء الجمهور وإني بستفيد من النقد والملاحظات زي ما ببقى سعيد بالإشادات. بحبكم وشكراً لدعمكم ليا من بداية مشوارى”.