كشفت الفنانة شمس، تفاصيل مقابلتها مع الراقصة والفنانة دينا، وأحد المنتجين، بعد تعرضها لاكتئاب بسبب عدم عملها.
وقالت شمس خلال تصريحاتها في برنامج “قعدة ستات، والذي تقدمه الإعلامية مروة صبري، خلال مجموعة قنوات ألفا:” قابلت دينا وقعدت جنبي بتاع ساعتين تلاتة وأدتني طاقة إيجابية للحياة وحب المهنة تاني، قالتلي لازم تخرجي معانا قولتلها انا هخرج معاكي يا دينا عشان الحب باين في عنيكي، هخرج مع الناس اللي احس انهم بيحبوني مش هخرج عشان حد ينافقني او انافق حد او اعمل مصلحة من حد او العكس.
وتابعت شمس: في ناس عايشة الدور ومن ضهرك بتكرهك وبتتكلم عليكي وحش.. كل حاجة بتوصل محدش بيقولك مين بس انتي بتعرفي من الكلام اللي بيترميلك، في ناس بتوصل الكلام، في حد ممكن يقولك رشحتك لدور بس فلانة قالت إن شاء الله، يعني إن فلانة بتكرهك.
كما وجهت الفنانة شمس رسالة قاسية للوسط الفني: عايزة اقول للناس دي كلها ان الكفن ملوش جيوب، وانا مفهمتش الجملة دي غير لما اخواتي ماتوا، لا في كفن هتاخد فيه فلوس ولا شغل، الناس اللي بتكره الناس ومش بتتمنى الخير لبعض.
وكانت شمس قد هاجمت مطرب المهرجانات حمو بيكا خلال استضافتها في أحد البرامج بسبب موقف بينه وبين شقيقها.
وقالت شمس: “شقيقي تعرض لبتر رجله بسبب حادث كبير، وظل يخضع لعمليات جراحية لمدة عام كامل، وبعد شفائه اصطحبه أصدقاؤه إلى أحد الأماكن التي كان يتواجد بها حمو بيكا، حيث قام شقيقي بمحاولة تعريفه بنفسه، وقال له إنه شقيقي، إلا أن بيكا رد: “بس بس معرفهاش”.
وتابعت: “حمو بيكا وجعلي قلبي على أخويا، ولهذا السبب أخذت موقفًا منه، حتى وإن لم تكن شقيقته معروفة فكان لابد أن يتعامل معه بشكل جيد.
واستكملت: “لو كان حمو بيكا تعامل مع شقيقي بشكل جيد ، كنت سأضع حذاءه على رأسي ، فهو بمثابة ابني وقد تركه لي والدنا أمانة.