كشفت سمر أبو شقة، طليقة المطرب تامر عاشور، تفاصيل شخصية جديدة في حياتها هي وابنتها بعد الانفصال، موضحة أنه على تواصل مع ابنتهما بشكل كبير.
وأجابت سمر أبو شقة، على أسئلة متابعيها، من خلال خاصية ستوري، عبر حسابها الرسمي بموقع انستجرام، وجاء من ضمن تصريحاتها: مفيش احتمال إني أرجع لتامر عاشور، وجالي وقت مكنتش قادرة أسمع أغانيه، بس بسمعه عادي دلوقتي وخصوصا أيام بنتي بتطلب تسمعه.
وتابعت سمر أبو شقة: أيام بنتي عندها 5 سنين وبتشوف تامر والدها وبياخدها، ومتجوزتش بعد تامر ولا ارتبطت، وإحنا فضلنا متجوزين 5 سنين، اللي بيخلي الست تقرر إنها مترجعش للشخص، لما المشاعر بتتغير والوعود بتتكسر.
وأضافت: بحب لـ تامر عاشور أغنية قولوله سماح جدا، لأنها اتعملت وأنا حامل في أيام بنتي، وكانت في ألبوم اسمه أيام فبحبها أكتر منكوا كلكوا.
وعن حفل ليلة الدموع، التي شارك فيها تامر عاشور مؤخرًا، قالت سمر أبو شقة: تامر عاشور هيفضل بابا أيام لطول العمر وأي نجاح له ُينسب لبنتي وهيضيف ليها قدام، أنا وهو لو اختلفنا فده مش معناه بقينا أعداء، وبالصدفة كنت سهرانة مع صحابي وبنشوف هنشغل إيه قولنا هنشغل ليلة الدموع، وطلعت حلوة جدا وشوفت كل الفقرات، وصورت فقرة تامر عاشور زي باقي الفقرات مش أكتر.
كانت سمر أبو شقة، أعلنت انفصالها عن تامر عاشور، في شهر يونيو الماضي، خلال تصريح خاص لـ القاهرة 24، وقالت: تم الطلاق بشكل رسمي، وأكدت أنها تكن له كل الاحترام والتقدير، متمنيةً له التوفيق والنجاح في حياته القادمة.
شارك تامر عاشور مؤخرًا، في حفل ليلة الدموع، الذي أُقيم في مدينة جدة، على مسرح بنش مارك، بجانب عدد من المطربين، أبرزهم الفنان حمادة هلال، مسلم، طارق الشيخ، هيثم شاكر، أحمد سعد، وغيرهم.