توقعات شهر اغسطس 2023 مع خبير الطاقة والابراج مانو

الحمل♈

تحسن مادي كبير عم يكون من أول أسبوع من هاد الشهر مكان شغلك ممكن كتير أنو يتغير او عم يكون في عندك تحسن بشغلك الحالي وعم تستقبل حدا من السفر عاطفياً تطور أمورك العاطفية بعلاقة حالية او حتى علاقة جديدة ببلش من تاني أسبوع صحياً بدك تنشغل بسنانك شوي وعم تطمن عن حدا كتير غالي عليك

الثور♉

علاقاتك مارح يكون في أكتر منها هالفترة وطبعاً رح تفيدك بشغلك لقدام إذا عرفت تستغل الفرص بالطريقة الصح التحسن المادي بدو وقت شوي بس أكيد رح ينسيك كل تعبك وبدك تفرح لحدا من رفقاتك عاطفياً بدك تدير بالك من تدخل طرف تالت أهم شي وأمورك رح تكون تمام صحياً بدك تشكي من وجع راسك شوي اخر الشهر

الجوزاء♊

كل أمور شغلك يلي كانت توقف على نكشة رح ترجع تمشي من اول وجديد ومتل ما أنت بدك وأحسن كمان وفي مبلغ عم يرجعلك ممكن يكون دين طبعاً هاد غير التحسن المادي وعم تنشغل بسفر لبلد قريب عاطفياً خليك مسيطر عطول وما تتهاون كتير بالمشاكل الصغيرة إذا صارت واخر الشهر عم يبلش التحسن عندك صحياً دير بالك على أكلك أكتر من قبل

السرطان♋

ضغط أهلك عليك من البداية كرمال دراستك وكمان شغلك صح رح يكون كتير كبير بس كل هاد لمصلحتك وستفيد. من علاقاتك قد ما بتقدر هاد الشي كتير مهم كرمال تطور شغلك أكتر وممكن يكون في عندك شوي تصليحات بالبيت عاطفياً البعض عم يرجع للحبيب القديم وعم يكون في تطور بالعلاقة الحالية ودخول بعلاقة عاطفية جديدة صحياً بدك تنشغل شوي مع حدا من أهلك بس التعب عم يكون خفيف كتير

الأسد♌

العيون والأضواء كلها عم تكون عليك هالفترة وأنت لازم تستغل هالشي بالطريقة الصح وشهرتك عم تزيد متل ما أنت بدك مشاريع شغل جديدة بدك تنشغل فيها طبعاً حاملة معها تحسن مادي كبير وممكن توقع عقد بخص شغل عاطفياً كل أمورك رح تبلش تنحل من اول الشهر و الحنية يلي بدك ياها عم تلاقيها صحياً لازم تلتزم بنادي عن قريب

العذراء♍️

انشغالك بالدراسة أول الشهر عم ياخد منك كل وقتك وأمور شغلك فيها تحسن بس على مراحل عم يكون وممكن تنشغل بسيارتك وعم تجيب سيارة جديدة وعم تتصالح مع حدا من رفقاتك عاطفياً عم تتعرف على شخص جديد وهاد الشخص هو يلي رح ينسيك تعبك وعم يعوضك عن كلشي صحياً بدك تشكي من وجع كتافك

الميزان♎️

أنفعالك وعصبيتك أهم شي أنو عم تكون خفيفة هالشهر وعم تكون شخص أجتماعي كتير هالفترة كرمال شغلك خصوصاً أنو بدك تتعرف على عالم كتير وعم تفوت بجو جديد عليك تقريباً وتطمن أنو نتائج تعبك بالشغل و التحسن المادي عم تلاقين فوراً عاطفياً مشاكلك رح تنحل وبالك رح يرتاح على الاخر صحياً نومك رح يكون خفيف شوي

العقرب♏️

عم تنشغل بسفر ضمن البلد يلي أنت في وكل هاد الأنشغال عم يكون لشغل كتير مهم وأنت صرلك مستني زمان عم تفرح لحدا من رفقاتك أو أهلك وأمورك المادية عم يبلش فيها التحسن على بكير بس لازم تضب أيدك قد ما بتقدر عاطفياً عم تلاقي الشخص المناسب بالوقت المناسب ولازم تعرف كيف تحافظ عليه كتير منيح صحياً في تعب عام بس أنت عم تتحمل

القوس♐️

من اول هالشهر رح تبلش المباركات عندك وكل العالم يلي حواليك عم تفرحلك ضيوفك عم تكتر وفرص شغلك كمان مارح يكون في أكتر منها وأنت وشطارتك لازم تعرف كيف تستغلها عاطفياً في تطور كتيرر كبير عم يكون بعلاقتك الحالية لهيك تطمن

الجدي♑

صح رح يكون في عندك صرف كتير من اول هالشهر بس في تحسن مادي سريع وممكن تشتري بيت كمان عم تنعزم على خطبة أو عيد ميلاد لحدا من رفقاتك ومارح تكون فاضي تحك راسك بس بعد هالتعب في نتيجة حلوة كتير عاطفياً إذا كنت صبور كلشي بدك يا رح يصير وصحياً بدك تعمل تحاليل صغيرة لتطمن عن حالك أكتر

الدلو♒️

مواعيد شغلك المهمة ويلي ما بتخلص عم ترجع لتاخد منك كل وقتك مع التحسن المادي اكيد وروحاتك وجياتك عم تكتر وفي دين ممكن يرجعلك عاطفياً لازم ما تسمح للمشاكل انها تكبر وتحلا بنفس اليوم وصحياً كلشي عم يكون عندك تمام

الحوت♓

بدك تلتهي مع أهلك كتير هالفترة بشغلكن الجديد واستفادتك. المادية عم تكون أحسن من كل شهر ولازم تركز بدراستك أكتر من قبل هاد المهم عاطفياً في تحسن كتير كبير من نص الشهر بس لازم تبعد عن التطنيش قد ما بتقدر وصحياً عم تطمن عن حدا كتير غالي عليك