عمر كمال يعلق على أزمة عمرو مصطفى وأم كلثوم


علق الفنان عمر كمال، اليوم، عبر حسابه الرسمي بموقع فيسبوك، على أزمة دخول الذكاء الاصطناعي في إنتاج الأغاني، خاصة بعدما أثيرت عندما أعلن النجم عمرو مصطفى إنتاج أغنية جديدة بصوت أم كلثوم.

وكتب عمر كمال عبر حسابه الرسمي بموقع فيسبوك عن إنتاج الأغاني باستخدام الذكاء الاصطناعي: «طب لو افترضنا أن فيه برنامج عرف يجيب صوت أم كلثوم مثلا وده مش هيحصل أصلا لأن ده صوت نازل بالجودة بتاعته من السما ملهوش بديل.. هتجيب إحساسها منين ووجعها وهيا بتقول: وعايزنا نرجع زي زمان قول للزمان ارجع يا زمان”، هتجيب منين الشموخ والكبرياء اللي في صوتها وهيا بتقول: بدي أشكيلك من نار حبي بدي أحكيلك ع اللي في قلبي وأقولك ع اللي سهرنى وأقولك ع اللي بكاني وأصورلك ضنا روحي وعزة نفسي منعاني».

وأضاف عمر كمال: «صوت الإنسان عبارة عن إحساسه وتجارب حياته اللي عاشها كل ده بيصنع صوته وملامح صوته استحالة أي حد مش برنامج بس يعرف يجيب إحساس حد أو حتى حزن أو إحساس جملة قالها الصوت الحقيقي.. الذكاء الاصطناعي حلو جدا للموزعين والملحنين هيخليهم يبيعوا شغل كتير بجد لأنه ممكن يبعت للمطرب أو المطربة أغنية خلصانة كلام ولحن وتوزيع متغني بالذكاء الاصطناعي».

وتابع: «بصوت بلاستيك قريب من صوته فا المطرب هيشوف نفسه في الموضوع علطول وهيعرف إن الأغنية بتاعته ولايقة عليه جدا وبدال ما يقول للموزع أو الملحن سبني كام يوم أشوف فيها نفسي وأجرب صوتي عليها هيقوله الأغنية بتاعتي علطول لأنه شاف نفسه فيها.. لكن إن الذكاء الاصطناعي يعمل نجم استحالة البلاستيك يبقى زي الحقيقي».


Beirutcom.net