أعرب الفنان تامر عاشور عن سعادته بعد حفله الأخير في المملكة العربية السعودية، موجها شكره للجمهور السعودي على دعمه وثقته الكبيرة.
وشارك تامر عاشور صورا لحفله الأخير في المملكة، وعلق قائلا: «تشرفت بأن أكون أول مطرب مصري يحيي حفلتين كاملتين العدد يومين ورا بعض في الغالية على قلبي جدة، يومين استثنائيين في حياتي ومشواري اللي بدأته مع أهل المملكة خطوة خطوة من البداية حتى الآن بتعب ومثابرة ومجهود علشان أوصل لليومين دول».
وأضاف تامر عاشور: «كل ده بفضل ربنا ثُم الجمهور السعودي وبدعم كبير وثقه من الرائد حبيبي وأخي أبو ناصر الداعم الأول للفن والإبداع عامة وليا خاصة في المملكة بلا توقف، ثم الأهل والأصحاب».
وتابع عاشور: «عايز أشكر مصر وجمهور مصر بلدي اللي كل الفضل يرجعلهم بعد ربنا في كل ما وصلت ليه، كل الشكر للفرقة الموسيقية بقيادة المايسترو الأهم هاني فرحات مش علشان الحفلة بس».
وأضاف عاشور: «علشان التعب والبروڤات والجهد والسهر ثم النتيجة، وبالمناسبة دي النهارده بقالي تقريبا 20 سنة بغني ليكم.. وكوّنت في اذاهانكم ذكريات كتيير أنا فخور بده وده مش معناه إن سنّي كبير أنا عمري 22 سنة تقريبا.. فا تحبوا تقولولي ايه بالمناسبه السعيده دي».