رد عاصم تاج مدير أعمال مطرب الراب ويجز على اتهام المطرب والملحن عمرو مصطفى له بشراء موسيقى أغانيه.
وقال عاصم تاج، خلال تصريحات خاصة لـ القاهرة 24: ده كلام ملهوش أي أساس من الصحة، وبنشتغل مع منتجين من مصر ومن جميع أنحاء العالم، وكل مزيكته دايمًا بالتعامل مع المنتجين، حتى فكرة شراء الموسيقى مش حاجة عيب، ولكن صعب جدًا حد يقدر يشترى موسيقى جاهزة.
وتابع عاصم تاج: طريقة السمبيلنج طريقة من الإنتاج نفسه، لكن ويجز بيشتغل مع المنتجين، وهي طريقة تستخدم في الراب بشكل كبير أيضًا.
وعن حديث الموزع الموسيقى مولوتوف بعدم تقاضيه أي أجر بتعاوناته مع ويجز، قال عاصم تاج: وقت التعاون بين ويجز ومولوتوف، لم يكن ويجز ومولوتوف بما عليه الآن، والاتفاق اللي بينهم كان اتفاق تبادل، وأغنية بالسلامة على قناة مولوتوف، وأغنية دورك جي لدى ويجز في جميع حساباته بجميع منصات عرض الموسيقى، ولم يكن هناك أي تبادل مادي بل تبادل أغاني بالاتفاق، أغنية له، وأغنية لويجز
وتحدث المطرب والملحن عمرو مصطفى عن رأيه في مطرب الراب ويجز وأغانيه، واتهمه بشراء موسيقى أغانيه، وذلك خلال مداخلة هاتفية ببرنامج أجمد 7، قائلًا: على فكرة ويجز وكل الشباب اللي طالعة جديد كلهم بيشتروا موسيقى جاهزة بـ100 دولار والموزع دوره مش موجود.