حظك ليوم الثلاثاء 18 أبريل مع خبير الابراج والطاقة مانو
الحمل♈
المصاري يلي عم توصلك اليوم لازم تخبيها وما تصرف عالفاضي والمليان كمان لأن في عندك التزامات كتير مهمة عم تبلش من بكرا
الثور♉
فرص الشغل الكبيرة عم توصل لعندك لهيك أنت مبسوط ومتفائل وأكيد لازم تعرف كيف تستفاد منها بالطريقة الصح كمان
الجوزاء♊
صار وقت أمورك العاطفية لتبلش تتحسن من اليوم وكل المشاكل تنحل متل ما أنت بدك كمان بس ما تخلي حدا يعرف تفاصيل عن هاد الموضوع
السرطان♋
صار لازم تعتمد على حالك أكتر بهيك وقت لتكمل فرحتك أنت وكل حدا بتحبو وطبعاً أكيد لازم ما تتسرع متل قبل
الأسد♌
رجعت مواعيدك لتكتر و هالمرا الأستفادة أكبر لأن الموضوع يلي حاطو براسك وعم تفكر في رح يصير بدون تعب
العذراء♍️
بدك تتحمل نق أهلك عليك هالفترة وأكيد لازم تساير لتخلص من هالموضوع وحضر حالك للشغل الجديد يلي رح تبلش في
الميزان♎
عم تطمن عن حدا غالي عليك من فترة كان تعبان وحالياً عم يتحسن وضعو أكتر من قبل كمان والتعب العام يلي عم تشكي منو أكتر بكون بكتافك اليوم بس المسا كلشي عم يرجع تمام
العقرب♏️
هنن قرارين عم يغيرو حياتك للأحسن بس أكيد لازم تعرف كيف تاخدن وتستفيد منن بالطريقة الصح وبدون ما تستعجل
القوس♐️
بتنشغل بالسفر بين اليوم وبكرا وسفرتك مو كتير طويلة بس عم تستفاد منها مادياً متل ما أنت مخطط
الجدي♑
خلي طموحك عطول كبير هالفترة لأن بهيك وقت كتير مناسب لحتى تحققو أكيد ومتل ما كنت متمني
الدلو♒
مناسباتك بتكتر وأنت من جواتك مبسوط ونفسيتك مرتاحا وفي حدا غالي عليك عم تستقبلو من السفر
الحوت♓
الأخبار الحلوة يلي أنت مستنيها اليوم بتوصلك والفرح عم يرجع ليدق بابك وفي عندك تطور بشغلك بالفترة القريبة الجاية