انفعل الفنان محمد فؤاد خلال لقائه مع الإعلامية بسمة وهبة في برنامج “العرافة”، المذاع عبر قناتي المحور والنهار، وذلك بعد عرض تصريح للناقد الفني طارق الشناوي وصفه فيه بأنه كان يحلم بأن يكون سيد المطربين وأصبح سيد قشطة، في إشارة إلى مشكلة زيادة الوزن التي يعاني منها.
وقال محمد فؤاد معلقا على تصريح طارق الشناوي: “زيادة الوزن عقدة مش عارف أتخلص منها، إيه العيب من صراحتي”.
وأضاف: “يعني إيه يقول سيد قشطة، ممكن أسجنه بالمحكمة، ولازم يبقى مؤدب، إنت كده مش متربي ولا شوفت تربية، إنت مجنون؟ وبتعلم جيل من الصحفيين إيه؟”.
وأشار محمد فؤاد إلى لقائه بطارق الشناوي في السعودية قبل فترة بقوله: “قابلته وسط ضيوف مهمين ومسكت نفسي، أديله بالقلم يعني؟ وأنا نجم غصب عنه”.
وتابع: “اللي غايظه إننا لما عملنا فيلم إسماعيلية رايح جاي كتب عنه لفظ سيئ، وبعد نجاح الفيلم في فرنسا شوفته وكنت عارف شكله من الصور، وهو مرزل على الخلق كله. احترم نفسك كفاية كدا”.