تعود الفنانة ياسمين صبري إلى السينما بعد غياب 5 سنوات منذ آخر أفلامها “الديزل” عام 2018.
وتشارك ياسمين صبري في بطولة 3 أعمال سينمائية، أولها “أبو نسب” مع الفنان محمد إمام والذي يشكل التعاون الثالث بينهما بعد فيلمي “جحيم في الهند” عام 2016، و”ليلة هنا وسرور” عام 2018.
وكشفت ياسمين صبري بعض التفاصيل عن الأفلام خلال لقائها مع برنامج The Insider بالعربي، وعن تعاونها مع محمد إمام مجددا قالت: الفيلمين اللي عملناهم كانوا لطاف جدا والجمهور حبهم والكيميا بينا اللي الناس بتحبها دي أهم حاجة سعيدة جدا بالتعاون الثالث معاه، والمخرج رامي إمام ومعانا أستاذ ماجد الكدواني وأنا مبسوطة جدا أني همثل معاه، إن شاء الله نعمل حاجة أحلى من الأفلام اللي فاتت.
وعن ثاني أفلامها قالت: فيلم “البعبع” مع أمير كرارة هو أكشن كوميدي أنا دوري كوميدي الواحد بيحاول يعمل اللي عليه وأكتر عشان الجمهور يروح يتفرج على حاجة ساعتين ويضحك وينسى أي حاجة مضيقاه.
ولم تكشف ياسمين صبري تفاصيل الفيلم الثالث أو اسمه مكتفية بالحديث عنه قائلة: تالت فيلم أكشن ودا في مجهود كبير بدأت أتدرب عليه من دلوقتي مقدرش أصرح بأكتر من كده وإن شاء الله ينزل في الصيف.
يذكر أن آخر أعمال ياسمين صبري كان مسلسل “فرصة تانية” وعرض في رمضان 2020 معالجة دراما محمد سيد بشير وتأليف مصطفى جمال هاشم وإخراج مرقس عادل وإنتاج شركة سينرجى، وبطولة أحمد مجدى، أيتن عامر، هبة مجدى، دياب، إدوارد، محمود البزاوى، هبة عبد الغنى، سارة الشامى، محمد أبو داود، أحمد الشامى، نهال عنبر، عمر الشناوي.