طرحت المطربة بلقيس فيديو كليب اغنيتها الجديدة التي حملت عنوان “امام مرايتي” عبر قناتها الرسمية في اليوتيوب.
وفي الفيديو كليب تواجه بلقيس التنمر منذ طفولتها طبعاً بالتمثيل، فالفيديو كليب يحكي عن موضوع اجتماعي ويحتوي على اصدقاء وصديقات خائنات وتتعرض الفتاة للتنمر بشكل مزعج جداً.
الاغنية من كلمات Omniyat والحان متعب الفرج وتوزيع موسيقي بدر كرم واخراج الفيديو كليب مع دان حداد.
كلمات الاغنية :
امام مرايتي واقف .. اطالعني و اجهلني
تغيرت بشكل كلي .. انا مو قادر افهمني
لا قلبي اللي مثل اول ..
و صبري ما بقى به حيل ..
ولا شي قادر اتقبّل ..
من العالم طفح هالكيل ..
مابين ظنونهم ضايع .. يجيبوني و يودوني
خذوا مني هنا عمري .. و بعيد هناك خلوني
يجيب الله الفرح بكره .. و يردلي اللي خذوا مني
انا منهم كذا واقف .. اطالعني ولا اعرفني
انا مو بأجمل ايامي .. ولكني بعيد بخير
هناك اشوف قدامي .. أمل بالله و دنيا خير
امام مرايتي واقف .. ما يشبهني سوا اسمي
عطيت اصحابي دم قلبي .. و خانوا وحرقوا دمي
سوا هالبعد مالي حل ..
أمر ما يحتمل تأجيل ..
لحد منكم علي يسأل ..
كفايا مجامله و تمثيل ..
عشان اواجه العالم .. انا محتاج للوحده
محد في داخلي عالم .. ماغير الله هو وحده
ملامح وجهك تأكد .. كثير بهالزمن أذوك
ياقلبي الطيّب القاسي .. هم اللي عالقسى حدوك
انا مو بأجمل ايامي .. ولكني بعيد بخير
هناك اشوف قدامي .. أمل بالله و دنيا خير