قالت الفنانة شيرين عبد الوهاب إنها عادت في الفترة الماضية للتواصل مع جمهورها وأصدقائها المقربين، ومنهم الفنانة منة شلبي، بعد “خناقة” حصلت بينهما قبل فترة.
وروت شيرين خلال استضافتها في برنامج “صاحبة السعادة” الذي تقدمه الفنانة إسعاد يونس عبر قناة dmc تفاصيل المشكلة قائلة: “منة كانت عاملة حجز عشاني في منتجع، عشان أسافر أعمل ديتوكس وأخس، ويوم سفري كنت مع كريم عبد العزيز وقاعدين نهزر، وطبعا هو صاحبي جدا وجاري، وبنروح نسهر معاه في بيت مراته وولاده”.
وأضافت: “كريم كان مش عايزني أسافر وخايف عليا، ومنة على التليفون بتقول والله إنت مش نافعة، ومش هكلمك تاني لو الطيارة فاتتك، وفعلا اكتشفت إني مسافرة مع باسبور مفيش عليه فيزا، والطايرة فاتت ورجعت لكريم أكمل السهرة، مع إني كنت دافعة مبلغ كبير”.
وتابعت: “كريم زعل منها شوية، وقال لها ليه بتعملي كده، إحنا ما بنصدق نشوفها، وبهدلتنا إحنا الاثنين”.
وخلال اللقاء، كشفت شيرين عن تبنيها لموهبة غنائية جديدة، بالتعاون مع الموزع الموسيقي طارق مدكور.
وعن تحضيرات تقديم هذا الصوت الجديد، قالت: “إحنا بندلعه باسم دودي، وشايفة إنه عندليب جديد في مصر، وأحاول حاليا أعرفه تراث بلده الغنائي”.