وجه الملحن عمرو مصطفى رسالة مبهمة لفنان كبير لقبه بـ”جدو”، ينصحه بالابتعاد عن طريقه وإلا سيفضحه.
كتب عمرو مصطفى عبر حسابه بموقع Facebook: “رساله لجدو
هتبعت ناس ولجان تشتم على الصفحه ولا هيهز شعره مني فلوس بترميها في الارض
هتبعت ناس تقول صوته وحش ملكش دعوه انا هغني وصوتي وحش
هتروح تخلي ناس تسرب الاغاني هطلع افضحك وساعتها هتكون نهايتك بجد
هتجيب عيال بفلوس تعمل فيديوهات ان الاغاني وحشه هتنجح غصب عنك لانها من القلب
هتقول فين المشاهدات هقولك ملكش دعوه انا بعمل الاغاني لنفسي ومش هدفع فلوس زيك يا جدو علشان الناس تشوفني ١٠٠٠٠٠ على الفيسبوك بشرف احسن من ملايين مزيفين يا جدو وفي الاخر اتقل علشان الجاي صعب
نسيت انك بعت ناس للموزعين الي بشتغل معاهم في الخارج علشان انت قلوده قوي بس لما تنزل معاهم هفضحك عادي”.
وطرح عمرو مصطفى مؤخرا أغنية “إلا أنا”، وهي أولى أغاني ألبومه الجديد غيرك مين، الذي عكف على تحضيراته خلال السنوات الماضية، وسافر من أجل تحضيراته إلى إسبانيا، وتعد الأغنية من كلمات مصطفى إسماعيل وعمرو مصطفى، وألحان عمرو مصطفى.