توفّي الممثل بيار شمعون اليوم بعد مسيرة فنيّة طويلة شارك فيها في مسرحيّات وبرامج ومسلسلات عدّة.
وكان شمعون شعر بوعكة صحية أمس، فأدخل الى مستشفى ضهر الباشق حيث فارق الحياة، علماً أنّه كان يعاني من مرض السكّري.
ونعت نقابة ممثلي المسرح والسينما والاذاعة والتلفزيون في لبنان الممثل اللبناني بيار شمعون في منشورٍ على صفحتها على فيسبوك.
وجاء في بيان النقابة: “تنعى نقابة الممثلين في لبنان الممثل الزميل بيار شمعون الّذي توفي صباح اليوم السبت 2 تموز 2022 والذي أفنى حياته على شاشة التلفزة والمسرح والسينما. ان مجلس النقابة يتقدّم من كلّ الزملاء وعائلة الفقيد بأحرّ التعازي. رحمه الله ونفسه بالسما. سننشر تباعاً مواعيد مراسم الدفن والتعازي لاحقاً”.
كما نعى الوسط الفن والدرامي الفقيد عبر مواقع التواصل الاجتماعي :
فكتبت ميريام فارس : تعازي الحارة بوفاة الممثل القدير #بيار_شمعون يلّي زرع الضحكة بقلوبنا. دعائي بالصبر لعائلته وتكون نفسك بالسما
كارين رزق الله : #بيار_شمعون ضحكة لبنان .. وداعاً وداعآ #بيار_شمعون
عامر زيان: خبر كتير حزين رحيل الممثل #بيار_شمعون بكرت كتير يا صاحب الضحكة الحلوة! الله يرحمك وأحر لتعازي لعيلتك وكل محبينك
فاطمة داوود : الله يرحم #بيار_شمعون قدم احلى الاعمال الدرامية وكان مثال الشخصية اللطيفة والكوميدية الرائعة
رابعة الزيات : لا شيء يقف بوجه الموت ،ما يبقى هو ذكرى لضحكات زُرعت في قلوبنا وعلى وجوهنا واسم مُشرق في عالم الفن والكوميديا ،وداعاً #بيار_شمعون
اندريه داغر : رحيل الممثل اللبناني #بيار_شمعون بعد وعكة صحية شعر بها يوم امس ، ومعه رحلت ضحكة جميلة من ضحكات الفن اللبناني
شركة الصبّاح: “خسارة فنية كبيرة، الرحمة لروح الممثل القدير بيار شمعون … تعازينا لأهله ومحبّيه”.
–كارمن لبس: “الله يرحم صاحب الضحكة والروح الحلوة وصديق الكل”.
–زياد برجي: “لو كنت ما بعرفك كنت اترحمت عليك لأنك فنان لبناني كبير وعظيم، بس لأني بعرفك واشتغلت معك فأنا من نص قلبي بترحّم عليك مليون مرة وبقول الله يرحم روحك ويجعل مثواك الجنة والله يصبر عيلتك وما رح ننساك بحياتنا يا اهضم واطيب انسان على الكوكب.”.
–كارلا بطرس: “ضيعانك بيار شمعون يا رب ما رح يبقى مين يضحكنا”.
–جويل داغر: “كتير زعلت على خبر و فاة الممثل بيار شمعون الله يرحمك ويصبر اهلك تعازينا الحارة”.
–جيسي عبده: “يا بيارو يا رفيق البسمات يا صديق الايام الحلوة شو هالخبرية هيدي؟؟؟؟ مش عم صدّق بشع كتير هالخبر يا بيار بكّرت كتير لله يرحمك يا طيب يا آدمي رح نشتقلك كتير”.
–مازن معضم: “يا حبيب القلب يا صاحب اطيب قلب واخف روح تعازينا الحارة لعيلتك ومحبينك ولخيي وصديقي طوني”.
–شربل خليل: “من وين بدّي عوّض قلبك الحلو، من وين بدّي عوّض محبتك وفاءك صدقك آدميتك صداقتك والعمر اللي قضيناه بالبسمات؟ بس مات بيار ماتت البسمات بعدني مش عم صدّق”.
–رولا حمادة: “متل اوراق الشجر عم يوقعوا، الله يرحم بيار شمعون، أحر التعازي لعائلته ولكل زملاء المهنة . البقاء لله”.
–الين لحود: لهاللحظة ما بدّي صدّق الخبر..عبالي حدا يطلع ويقلي شيلي الpost Pierre Georges Chamoun ما بو شي حاج تسمعوا اشاعات و تصدّقوها..يا الله يا Pierrot كيف بتعمل فينا هيك..كيف؟”.
–كارول سماحة: “رح نشتقلك بيار شمعون الله يرحمك”.
–نادر الأتات: “بيار شمعون إلك الفضل بضحكات كتيرة ببلدنا البسمة اللي رسمتها على وجوهنا رح تبقى محفورة بذاكرتنا طول العمر تعازينا للعائلة الكريمة ولبلدنا ولكل المحبين”.
–كميل متى: “اوقات بتسمع خبر وما بتصدق… الله يرحمك صاحب القلب الطيب بيار شمعون”.
–طلال الجردي: ما هذا الخبر ؟؟!!! بيار شمعون في ذمة الله… اوف.. لا اتخايل بيار الا ايجابي و مبتسم و مبعث للفرح .. السلام لروحك…بيار الجميل الروح”.