كشفت البلوغر المصرية أحلام عادل، انفصالها عن زوجها مصمم الأزياء الشهير أحمد العجمي، بعد أسابيع قليلة من زواجهما الذي كان حديثا للجميع عبر مواقع التواصل الاجتماعي.
ونشرت البلوغر أحلام عبر خاصية «استوري» بموقع تبادل الصور انستغرام نبأ طلاقها حيث كتبت: «أنا رجعت من العمرة مضروبة ومطلقة عشان جبت مصليات لزمايلي الولاد والبنات..ملحوظة كانت مصلية مش أزازة خمرة».
وشرحت أحلام ما تعرضت له في رحلة العمرة مع زوجها في مقطع فيديو، ونشرت منه مقطعا صغيرا فقط وأزالته بسبب انهيارها حيث علقت عليه: أنا صورت كتير وفي الآخر بعيط وبنهار وحسبي الله ونعم الوكيل بجد،بحسب «القاهرة 24».
وتابعت أحلام خلال الاستوري: «بكرة بإذن الرحمن هنتقابل الساعة 10..ولحد ما بكرة يجي ادعولي ابقي كويسة وربنا يخلصنا منها على خير».
وكشفت البلوجر أن سبب طلاقها هو شراء عدد من سجاجيد الصلاة “مصليات” لعدد من أصدقائها خلال تواجدها في الأراضي المقدسة لأداء مناسك العمرة.
وبعد خروج أحلام لسرد التفاصيل، خرج زوجها من خلال السوشيال، ليرد عليها ويعتذر لها عما حدث، قائلا من خلال فيديو: “يا أحلام حقك عليا، أنا أسف وغلطان في حقك..أول مرة أعمل فيديو وأطلع اتكلم فيه، حصل بيني وبين أحلام شد في العمرة، خلاف وشديتها وزقيتها وده مكنش لازم يحصل خالص، لما رجعنا من العمرة صالحتها وكنا كويسين، وبعدين حصل خلاف تاني، وزعلت مني وافتكرت كل اللي كنت بعمله”.
وأضاف أحمد العجمي زوج أحلام: “أتمنى متزعلش مني والدنيا تروق وتدعولنا بأن ربنا يصلح الحال إن شاء الله، هي سنة أولى جواز فيها شد وكل حاجة، ولسه في طباع وعيلتين بيتعرفوا على بعض، وبنطبع على طباع بعض وربنا ييسر الدنيا، هروح لحد متخصص وأعرف ازاي نتعامل مع بعض ونتفاهم سوا، أدعولنا ربنا يهدينا، الكلمة الكويسة بتفرق”.